Facebook Telegram Twitter Instagram YouTUBE


Baş saife  >  Derc  >  Haberler  >  12 Çiçek ayı 2018, 17:04

HSN 2018 senesiniñ birinci kvartalında faliyet neticeleri aqqında esabat berdi

2018 senesi aprelniñ 12-de Ukraina Nazirler Kabinetiniñ matbuat merkezinde Ukraina haber siyaseti Nazirligi 2018 senesiniñ birinci kvartalında yapqan faaliyeti boyunca esabat matbat konferentsiyasını keçirdi.

Ukraina haber siyaseti Naziriniñ muavini Dmıtr Zolotuhin strategik kommunikatsiyalar devlet sistemasınıñ qurulışı yönelişinde faaliyet aqqında, ükümet kommunikatsiyalarnıñ islâatları, buhran kommunikatsiyaları çalışmasınıñ tüzetilmesi, mediasavatlıq arttıruvı ve KHV-da feyk haberlernen dezinformatsiya ile küreş aqqında aytıp berdi. “Hatırlatmaq isteyim, epimiz içün esas köstergiç - Ukraina informatsion telükesizligi Mezebi ola ve bu leyhanı Nazirlik yanındaki ekspert şurası işlep çıqardı”, - dep qayd etti o.

Hususan, ükümet kommunikatsiyaları saasında HSN irişmeleri arasında D.Zoltuhin Facebook içtimaiy ağında 30-ğa yaqın devlet akimiyeti organlarınıñ verifikatsiyasını qayd etti.

Ukraina haber siyaseti Naziriniñ mesleatçısı Marına Sobotük halqara meydanda Ukraina populârlaşması saasında ömürge keçirilgen leyhalar aqqında hatırlattı. Olar arasında, “Dâkuyu” filmi ve manga usulında ukrain arbiyleri resimleriniñ sergisi. Onıñ sözlerine köre, kelecek afta HSN “Dâkuyu” filmini Lvovda taqdim etmege planlaştıra.

Bu sene HSN ukrain tili populârlaşmasından leyhalar azırlay, dp qoştı M.Sobotük. “Bu em sanat leyhaları, em de radioda içtimaiy programmalar, aktsiyalar ve til aqqında talebeler ve studentler içün film”, - dep haber etti Nazir mesleatçısı.

Öz nevbetinde Ukraina haber siyaseti Nazirliginiñ devlet kâtibi Artem Bidenko Qırım ve Donbassnıñ haber reintegratsiyası saasında irişmeler, Ukraina tış yayınlavı sistemasınıñ inkişafı ve HSN-nen muvafaqiyetli keçirilgen kommmunikatsion kampaniyalar aqqında aytıp berdi. Hususan, o, Ukraina şarqında ukrain edebiyatı tarqatılması programmasına diqqat ayırdı. Bu programma Nazirlik ve Yuqarı Şura komitetlerinen ömürge keçirile.  Bundan ğayrı, o, şimdi kinoteatr, televizion ve naqliyatta kösterilgen ve HSN sımarışına çıqarılğan içtimaiy roliklerniñ müimligini qayd etti. “Eñ yaqın zamanda biz yañı kommunikatsion leyhalarnı taqdim etecekmiz”, - dep qoştı HSN devlet kâtibi.

Hatırlatamız, bundan evel malüm olğanı kibi, UA/TV Ukraina tış yayınlavı mültimedia platformasınıñ telekanalı Lugansk vilâyeti territoriyasında test rejiminde yayınlavını başladı.

Böyleliknen, Bahsutivkadaki telequlleden “İnformatsion-innovatsion merkez” UA/TV   40-ci kanalda DVB-T2 dijital formatında 1,2 kVt quveti ile test rejiminde yayınlavını başladı. 


Cedvel