Facebook Telegram Twitter Instagram YouTUBE


Baş saife  >  Derc  >  Haberler  >  11 Çiçek ayı 2018, 17:04

D.Zolotuhin: Red etüv dezinformatsiyağa qarşı esas alet degil

2018 senesi aprelniñ 11-de Ukraina haber siyaseti Naziriniñ muavini Dmıtro Zolotuhin Mogılânska jurnalistler mektebiniñ stadentlerinen körüşüv keçirdi.

Ukraina ve Avropada rusiye tecavuzınen küreş akqında aytaraq D.Zolotuhin qayd etti: "Propaganda" sözü, kerçekten de, biz közetken adiseni aks etmey — rusiye mahsus hızmetlerinen ömürge keçirilgen bir sıra informatsion ameliyatlar bar. Termin KHV peyda olğan, olar onı oñaytlıq ve malümat berüvniñ tezligi içün işletken".

Nazir muavini añlatqanına köre, dezinformatsiyanı red etüv qarşılıqnıñ esas aleti degil: "Kommunikatsiya ameliyatı baqışından, bir de-bir feykniñ red etüv cedveli keniş auditoriyalarnen qabul etüv içün pek qıyın ve tek ekspertler ya da bu yönelişte menfaatı olğanlarnen yahşı qabul etile. Bunı ve resurslar yetişmemezligini diqqatqa alıp, şahsiy malümatnıñ ileriletilmesi daa effektiv ola".

Hatırlatamız, 2018 senesi fevralniñ 27-de Dmıtro Zolotuhin AB-nıñ dijital iqtisadiyat ve cemiyet Komissarı M.Gabrielnen teşkil etilgen ekspert muzakerelerde iştirak etti.Muzakereler feyk haberler ve onlay dezinformatsiyağa bağışlanğan edi. Anda D.Zolotuhin informatsion telükelerge qarşılıq boyunca Nazirlikniñ resmiy noqta-i-nazarını taqdim etti. 


Cedvel