Facebook Telegram Twitter Instagram YouTUBE


Baş saife  >  Derc  >  Haberler  >  12 Çiçek ayı 2018, 10:04

HSN: UA|TV Lugansk vilâyeti territoriyasında yayınlavını başladı

UA|TV, Ukraina tış yayınlavı mültimedia platformasınıñ telekanalı, Lugansk vilâyetiniñ ilhaq etilgen territoriyasında test rejiminde yayınlavını başladı. Böyleliknen, Bahmutivka (Lugansk vilâyeti) telequllesinden "İnnovatsion-informatsion merkez" kommunal hızmeti  DVB-T2 dijital formatında 1,2 kVt quvetinde 40-ci telekanalda UA|TV yayınlavını başlattı.

"Ukraina haber siyaseti Nazirligi yanında milliy televizion ve radioyayınlav sistemasınıñ stabil çalışması teminlenüvi meselelerinden Komissiya çerçivesinde faaliyet devam ete. Ve biz, ilhaq etilgen Qırımnen Donbassqa UA|TV tolu yayınlavınıñ teminlenilmesi içün daa bir adım aqqında quvançnen haber etemiz", - dep, qayd etti Ukraina haber siyaseti Naziri Yuriy Stets.

Bundan evelHSN haber etkenine köre, UA|TV tış yayınlavı telekanalı Çongar (Herson vilâyeti) ve Volnovaha (Donetsk vilâyeti) telequllelerinden ilhaq etilgen Qırım ve Donbas territoriyalarına test rejiminde yayınlavını başladı.

Hatırlatamız,  UA|TV telekanalı 2015 senesi oktâbrniñ 1-de yayınlavını başladı. Onıñ işi içün uquqiy temel Haber siyaseti Nazirliginen işlep çıqarılğan "Ukraina tış yayınlavı aqqında" Ukraina Qanunı oldı. Bu qanun 2015 senesi dekabrniñ 8-de qabul etildi ve dekabrniñ 28-de Prezidentnen imzalandı.

Kanal yoldaş ve kabel ağlardan ukrain, ingliz, rus, arap ve qırımtatar tillerinde haberler ve programmalarnı yayınlay.

 

 


Cedvel