Facebook Telegram Twitter Instagram YouTUBE


Baş saife  >  Derc  >  Haberler  >  6 Çiçek ayı 2018, 12:04

HSN: "Ukraina-NATO. Telükesizlik formulası" sergisi İvano-Frankovskqa da yetti

2018 senesi aprelniñ 5-de İvano-Frankovskta V.Stefanenko adına Prikarpatye milliy universitetiniñ binasında, Ukraina haber siyaseti Nazirliginiñ destegi ile teşkil etilgen "Ukraina-NATO. Telükesizlik formulası" sergisiniñ açılışı olıp keçti. Tedbir çerçivesinde NATO informatsiya ve vesiqalar Merkeziniñ müdiri Barbora Maronkova ve HSN strategik kommunikatsiyalar sektorınıñ baş mütehassısı Öleksandr Makobriy studentler, devlet hızmetçileri, cemaat vekilleri ve başqa sergi musafirlerine tecavuznı nasıl tanımağa ve informatsion cenk şaraitinde idare etüvniñ tesiri altına tüşmemek içün ne yapmaq kerek olğanını aytıp berdiler.

"Biz epimiz informatsiya müşterileri olmaq kerekmiz — analitik fikirütüvni kirsetmek, menaalarnı teñeştirmek, olğan protseslerin talil etmek kerekmiz. Ukrainanen NATO integratsiyası — bu, ilk-evelâ devletimizniñ telükesizligi meselesi olğanını añlamalımız. Ve şimdiki şaraitte yevroatlantik kursnıñ ömürge keçirilmesi Ukrainanıñ stabil kelecegine temel ola", - dep qayd etti O.Makobriy.

Açılış tedirinde Prikarpatye universitetiniñ NATO ilmiy-analitik merkeziniñ müdiri Öleg Bilous, NATO informatsiya ve vesiqalar Merkeziniñ leyhalar reberi Svitlana Rotarenko, İvano-Frankovsk devlet-vilâyet memurlığınañ baş muavini İgor Pasiçnâk, şeer başlığınıñ muavini Öleksandr Levıtskıy ve başqaları iştirak etti. 


Cedvel