Facebook Telegram Twitter Instagram YouTUBE


Baş saife  >  Derc  >  Haberler  >  3 Çiçek ayı 2018, 16:04

HSN: Ukraina jurnalistleri Türkiyede iqtisadiyat ve maliye meselelerinden trening keçtiler

2018 senesi martnıñ 19-dan 31-nece Ankarada  "Anadolu Agency" informatsion agentlik esasında "İqtisadiyat ve maaliye saalarında jurnalistika" yönelişinde jurnalistler içün ögretici kurslar keçti. Kurslarnı Ukraina haber siyaseti Nazirliginen işbirlik yapıp, "Anadolu Agency" ve "Türkiye işbirligi ve koordinatsion agentligi" teşkil etti.

"Ukraina ve Türkiye arasında munasebetler soñki yılları yañı seviyege köterildi. Serbest ticaret zonasını yaratıp, kelirlerni $10 mlrd arttırmağa planlaştıramız. Men bellesem, informatsion yaqınlaşuv buña yardım etebilecek. Hususan, Türkiyede "Ükrinform"nıñ bölgesi açıla, UA|TV  tış yayınlav telekanalınıñ Türkiyeniñ TRT World ve TRT AVAZ telekanallarınen işbirligi aqqında muzakereler kete. Öz nevbetinde, ukrain jurnalistleri içün böyle oqutuv programmaları — bu, türk informatsion agentlikleriniñ işini içteng körmek ve tecribenen paylaşmaq imkândır", - dep qayd etti Ukraina haber siyaseti Naziriniñ Birinci muavini Emine Ceppar.

Oqutuv intensiv rejimde keçti — 12 künde 78 saat lektsiyalar. Trenigte 8 memleketten kelgen 25 jurnalist iştirak etti. Ukrainanı Ukraina Milliy Cemiyet teleradioşirketiniñ mahsus mühbiri Ölena Bliznâkova, "UA:Qırım" telekanalınıñ mühbiri ve alıp barıcısı Ölena Solonina,  UA|TV tış yayınlav telekanalınıñ mühbiri Yuliya Bodko ve "Ükrinform" milliy haber agentliginiñ hadimi Oksana Polişçuk temsil ettiler.

Kursanıñ programmasına em teoretik, em de ameliy dersler ve Türkiyeniñ maaliyeviy sektorı vekillerinen qonuşuv kirsetildi. "Hususan, meraqlı körüşüvler ve temsil tedbirler İqtisadiyat Nazirliginden, Statistika idaresinde, Merkeziy bankta keçti. Kurs iştirakçileri bu müessiselerniñ müdirlerine sual berip, suallerine cevap ve iqtisadiy mevzularda haberler yazılması boyunca tevsiyeler alabildi", - dep haber etti trenigniñ iştirakçisi O.Polişçuk.

İqtisadiyat meselelerinden Türkiye Prezidentiniñ mesleatçısı Hatice Karahan bank malümatlarınıñ işletilmesi aqqında bir sıra lektsiyalar oqıp çıqtı.

"Anadolu Agency" agentliginiñ muarrirleri ve davet etilgen mütehassıslar — alıpbarıcı iqtisadiyatçıoar, maaliye konsultantları — global ve yerli siyaset saasında bir sıra meselelerni tafsilâtlıca açıqladılar, regionnıñ ve iştirak etken memleketlerniñ iqtisadiy ve sotsial inkişafı arasında bağnı añlattılar", - dep bildire iştirakçiler.

Hatırlatamız, 2018 senesi fevralniñ 5-den 16-nace Ankarada  "Anadolu Agency" esasında diplomatik jurnalistika saasında mühbirlerninh azırlav kursları keçti. Programmada 8 memleketten 25 jurnalist iştirak etti. Ukrainanı UA|TV tış yayınlav telekanalınıñ alıpbarıcısı Halise Zinedin, "Ükrinform" hber agentliginiñ çeiyel muarririyetiniñ reberi Nataliya Köstina, Qırımtatar Rusers Merkezinni kommunikatsiyalardan meneceri Elvir Sagirman temsil etti. 


Cedvel