Facebook Telegram Twitter Instagram YouTUBE


Baş saife  >  Derc  >  Haberler  >  2 Çiçek ayı 2018, 16:04

Ukraina telükesizlik Hızmeti ve HSN devletniñ informatsion telükesizliginen konferentsiya keçirdiler

Martnıñ 30-da Ukraina haber siyaseti Nazirliginiñ destegi ile Ukraina telükesizlik hızmetiniñ Milliy akademiyasınen teşkil etilgen “Devletniñ informatsion telükesizliginen idare etüvniñ esas meseleleri” adlı ilmiy-ameliy ІX Bütünukraina konferentsiyası ötkerildi.

Ukraina haber siyaseti Naziriniñ muavini ve Konferentsiya yolbaşçılarından biri Dmıtro Zolotuhin çıqışnen bulunıp, qayd etkenine köre, informatsion saada devletniñ qoruvı Ukraina devlet siyasetiniñ esas yönelişlerinden biridir. “Aynı şu sebepten Nazirliknen işlep çıqarılğan haber telükesizligi Mezebiniñ kirsetilmesi informatsion tecavuzğa qarşılıq mehanizmi olıp, devlet akimiyeti organlarınıñ umumiy areketleri içün yöneliş kösterici belgi olmaq kerek”, - dep qayd etti Nazir muavini. Tedbir vaqtında D.Zolotuhin Ukraina telükesizlik hızmetiniñ Milliy akademiyasınıñ kursantlarınen de körüşüv keçirdi.

Panel muzakereleriniñ iştirakçileri informatsion telükesizlik teminlenilmesi, Ukraina kibernetik telükesizlik teminlenilmesi sistemasınıñ şekillenmesi, devlet sırı ve hızmet informatsiyası saasında yerli qanuniyet eyileşmesi, informatsion telükesizlik teminlenilmesi saasında halqara işbirlik, devlet informatsion telükesizliginden aliy tasil mütehassıslarnıñ seviyesini arttıruv meselelerini muzakere ettiler.

Strategik kommunikatsiyalardan mütehassıslar azırlanuvı meselesine ayrı diqqat ayırıldı. Hususan, tögerek masa vaqtında iştirakçiler bu saada oquv yurtlarınıñ koordinatsiya meselesini ve melez telükelerge qarşılıq şaraitinde tasil protsessine yekâne yanaşmalar şekillenmesi meselelerini baqıp çıqtılar.

 

 


Cedvel