Facebook Telegram Twitter Instagram YouTUBE


Baş saife  >  Derc  >  Haberler  >  2 Çiçek ayı 2018, 13:04

HSN: Ankarada "Kiborgi" filmi taqdim etildi

Martnıñ 30-da Türkiyeniñ paytahtı olğan Ankara şeerinde qırımtatarı olğan olğan ukrain rejissörı Ahtem Seitablayevniñ "Kiborgi: Qaramanlar ölmey" filminiñ temsil tedbiri ötkerildi.

Tedbirni Ukraina tış işler Naziri Pavlo Klimkin, Qırımtatarhalqı meselelerinden Ukraina vekâletlisi Mustafa Cemilev ve filmniñ rejissörı Ahtem Seitablayev açtı. Bundan ğayrı, temsil tedbirinde Ukraina halq deputatı, Avropa Birliginiñ Parlament Assambleyasında Daimiy Ukraina delegatsiyasınıñ azası Mariya İonova ve Ukraina haber siyaseti Naziriniñ Birinci muavini Emine Ceppar, çünki HSN çetelde "Kiborgi" populârlaştıruvından vazifeni özüne aldı.

"Devlet desteginen çıqarılğan "Kiborgi" filmi — bu bizim yañı aletimiz, şu cümleden, ukraina diplomatları içün. Bu film Ukrainanı başqa taraftan — Avropanı Rusiye tecavuzından öz başına qorçalağan devlet olaraq köstere", - dep qayd etti E.Ceppar.

Temsil tedbirini türk akimiyetiniñ, diplomatik korpusnıñ ve cemiyetçilikniñ vekilleri ziyaret etti. Tedbirniñ teşkilâtısı — Türkiyedeki Ukraina elçiligi oldı.

Malümat olaraq. "Kiborgi. Qaramanlar ölmey" - Nataliya Vorojbitniñ stsenariyine rejissör Ahtem Seitablayevnen Ukrainada çıqarılğan uzun bediiy filmdir. Levha 2017 senesi fevral-aprl aylarında çıqarılğan. Temsil tedbiri ise 2017 senesi dekabr 6-da — Ukraina Silâlı Quvetler Künü keçti. Birinci afta soñunda film 8 million grivna topladı, bu ise ukrain filmleri arasında bir afta soñu içün rekord oldı. Birinci 8 afta neticelerine köre, film kene de Ukrainada rekordçı oldı — 23  mln grn.


Cedvel