Facebook Telegram Twitter Instagram YouTUBE


Baş saife  >  Derc  >  Haberler  >  2 Çiçek ayı 2018, 10:04

Stets Ukrainanıñ 50 aliy oquv yurtundan student şuralarınıñ vekillerinen körüşti

2018 senesi martnıñ 31-de “Ukrinform” haber agentliginiñ “ARTHUB”ında Ukraina haber siyaseti Naziri Yuriy Stets HSN yanında yaratılğan Studentler Şurasınıñ vekillerinen körüşti.

Körüşüvde bütün Ukraina aliy oquv yurtlarından 50-ge yaqın student bulundı. Olar, HSN Studentler Şurasınıñ işinde de faal iştirak eteler.HSN Studentler Şurası - Ukraina devlet akimiyeti organlarında tek böyle bir şuradır.

Nazir studentlerni memleketniñ yaşayışı içün mesülietni alıp, Nazirlikniñ işine qoşulmağa ve ukraina akimiyetini, tenqit etmeden, qıyın meselelerden çıqışnı onen beraberlikte qıdırmağa çağırdı.

“Eger nasıl yapmaqnı bilseñ, yanında tur da yap. Eger Ukrainada bir şeyni deñiştirmege isteseñ, mesülietni almağa azır ol. Kimseniñ işini tenqit etmege qolay, amma er bir tenqitçi doğru çezilüv yolunı bilgeninden şübelenem”, - dedi Yu.Stets.

Studentler ise öz nevbetinde, Nazirnen teessuratlarnen paylaşıp, zemaneviy Ukrainanıñ aktual meselelerini, şu cümleden Ukraina Şarqındaki cenkni, tasil ve ilimge az para ayırıluv, ukrain tiliniñ kenişletilmesi, içtimaiy ağlarda ve KHV-da dezinformatsiyanen küreş meselelerini çezüv yollarını seslendirdiler.

Hatırlatamız, 2016 senesi aprel ayında Ukraina haber siyaseti Naziriligi yanında Sudentler Şurası yaratıldı. Studentler Şurası - tevsiye-mesleatçı organdır, başta onıñ terkibine Taras Şevçenko adına KMU Halqara munasebetler İnstitutınıñ “Halqara informatsiya” bölüginiñ 12 studenti kirdi. 2017 senesi dekabr ayında Şura bütünukraina derecesine köterildi.

Şura, tevsiyeler berip, Ukraina haber siyaseti şekillenmesi, Ukrainanıñ mustaqil haber meydanı teminlenilmesinden ve müim künlerge müsbet informatsion sebebepler yaratılmasf meselelerinden konsultatsiyalar keçire.

 


Cedvel