Facebook Telegram Twitter Instagram YouTUBE


Baş saife  >  Derc  >  Haberler  >  29 Saban ayı 2018, 16:03

HSN: Yaponiyada Ukraina Ükümeti desteginen 2017 senesi biñge yaqın kommunikatsion tedbir keçirdi

Martnıñ 29-da "Ükrinform" haber agentliginiñ pres-merkezinde Ukrainada Yaponiya Yılı çerçivesinde Ukraina Ükümetiniñ destegi ile ömürge keçirilgen komunikatsion leyhalar taqdim etilmesi sayesinde press-konferentsiya keçirildi. Hususan, Haber siyaseti Nazirligi yaponiyalılar arasında Ukraina populârlaşmasından özüniñ eki esas leyhasını taqdim etti - "Dâkuyu" filmi ve manga usulında ukrain arbiyleri resimleriniñ sergisi.

Ukraina haber siyaseti Nazirliginiñ devlet kâtibi Artem Bidenko qayd etkenine köre, Ukrainanıñ turistlerge meraqlı olğan memleket kibi ileriletil-mesini HSN Tış işler Nazirliginen, Medeniyet Nazirliginen ve profil parlament krmitetlerinen beraberlikte ömürge keçire. "Ukraina -meraqlı, özgün, zemaneviy memleket. Ve er bir ecnebiy — olsun yaponiyalı, olsın alman, ya da başqa birisi — mında özüne meraqlı ve yüregine yaqın olğan bir şey tapar", - dep bildirdi devlet kâtibi.

Ukrainada Yaponiya Elçiliginiñ Birinci kâtibi ve siyasiy bölgeniñ  reberi Daysuke Minaminonıñ sözlerine köre, ukrain Ükümetiniñ, şu cümleden Haber siyaseti Nazirliginiñ destegi ile, Ukrainada Yaponiya Yılı kibi ilân etilgen keçken sene Ukrananıñ episi regionlarında biñge yaqın tedbir keçirildi. "Bu, sakura terekleriniñ oturturlması, "Qılavuz.Yaponiya" sergisiniñ açılması, onıñ sayesinde ukrainler yapon medeniyetiniñ çoq aspektlerinen yaqınca tanış oldı. Tedbirler bütün Ukraina territoriyasında keçti, şu cümleden, ilhaq etilgen territoriyalar yanında, hususan Severodonetskte. Ukrainlerge kösterecegimiz bar, Ukrainağa ise Yaponiyağa kösterecegi bar", - dep haber etti yaponiyalı diplomat.

Halqara kommunikatsiya meselelerinden Haber siyaseti Naziriniñ mesleatçısı Marına Sobotük qayd etkenine köre, HSN er bir memleketke doğru kommunikatsion yanaşma vastasınen halqara munasebetler saasında halqara işbirlikni ilerilete. "Böyle yanaşmanı biz bugün Yaponiyanen munasebetler misalinde kösteremiz. Keçken sene Ukrainada Yaponiya Yılı çerçivesinde HSN bir çoq informatsion kampaniyalarnı ömürge keçirdi. Olar arasında eki eñ büyükleri - "Manga usulında ukraina arbisi" ve Ukraina aqqında "Dâkuyu" filmi. Böyle kommunikatsiya, medeniy, resurs hususiyetler vastasınen öz ara ealini birleştirip, biri-birlerini añlamağa yardım ete", - dep qoştı Nazir mesleatçısı.

Yaqın zamanda HSN Yaponiyada Ukraina Elçiliginde "Dâkuyu" filmini taqdim etip, artıq dünyada 100-den ziyade kinofestivalge yolladı.

TİN diplomatiya idaresiniñ Başlığı Anatoliy Solovey qayd etkenine köre, "Dâkuyu" filmi Ahtem Seitablayevniñ "Kiborgi" filminen beraberlikte ukraina diplomatlarına ciddiy imic vazifelerini çezmege imkân bere. "Dâkuyu" ve "Kiborgi" filmleri — dünyada Ukrainanı kerçek baqıştan ve çeşit taraflardan açıqlağan eki leyhadır. Bir taraftan, Ukraina — bu, rusiye tecavuzını tutqan, boysunmağan ve bu tecavuzdan bütün Avropanı qorçalağan divardır. Başqa taraftan — Ukraina acayip, genç, dinamik avropalı memleket, anda musafirçen adamlar yaşay, anda bulunmağa pek yahşı ve onı açmağa isteysiñ", - dep qayd etti TİN vekili.

Hatırlatamız, "Dâkuyu" qısqa filmi Ukrainanı yaponiyalı turistiniñ közünen meraqlı, musafirçen, özgün ve güzel manzaralı ve zengin tarihı olğan memleket kibi köstere. Filmni HSN-nıñ sımarışına "Best Friends Film" çıqarğan.

2017 senesi oktâbr ayında Haber siyaseti Nazirliginiñ sımarışına Ukrainağa Yaponiyalı ressam kelip, manga yapon usulında ukrain arbiyleriniñ resimlerinen öz işlerini ketirdi. Martnıñ 14-den başlap, resimler Yaponiyada Ukraina Elçiliginde daima taqdim etile.


Cedvel