Facebook Telegram Twitter Instagram YouTUBE


Baş saife  >  Derc  >  İçtimaiy reklama  >  20 Saban ayı 2018, 11:03

Vâçeslav Çernovolnıñ doğğan kününden 80 yıl

Müim künler ve vaqialar qayd etilmesi çerçivesinde Ukraina haber siyaseti Nazirligi “Mustaqil milletniñ yüzü” şiarı altında Vâçeslav Çornovolnıñ 80 yıllığı munasebetinden kommunikatsion kampaniyanı taqdim ete.

Vâçeslav Çornovol aqqında 11 fakt:

1. Ukraina içün küreşti. Universitette mezuniyet aqşamı vaqtında Volodımır töpesine barıp, bütün ömür ukrain mustaqilligi içün küreşecegine ant etken.

2. Çeşit işlerde çalışqan. 1963-1964 seneleri Kiyev GES qurulışında iştirak etken. Birinci tevqifinden soñ meteostantsiya nezaretçisi, arheologik ekspeditsiyada yer k\azıcısı, Skniller stantsiyasında çekici ve başqa işlerde çalışqan. Soñkisinden Lvovta ateşçi olıp çalışqan.

3. Üç kere evli olğan. 1960-ci seneleri İrina Brunevetsnen evlengen, ondan Andriy degen oğlu bar. 1962-ci sene ayırılğan. 1963 senesi iyün ayından Ölena Antonivnen evlengen, ondan Taras degen oğlu bar. Soñki qarısı - Atena Paşko.

4. 83 kere sorğulanğan. 1966 senesi Vâçeslav Çornovol dostları - ağa-qardaş Gorınivler, Mıroslava Zvarıçevska ve Mıhaylo Osadçiyge qarşı şaatlıq yapmaqtan red etken. O vaqıt olar qabaatını tanıp, şaatlıq tesiri artıq olmağanına baqmadan. Bu sebepten o, makemelenip, birinci ükümini alğan. 1972-ci sene 83 sorğudan keçken, amma ileride de dostlarına qarşı şaatlıq yapmağan.

5. Çornovolnı makeme etken prokuror “Ukraina prokuraturasınıñ fahriy hadimi” unvanını taşiy. Vâçeslav Çornovolğa qarşı ekinci (1967 sene) ve üçünci (1972 sene) cinaiy işlerni Lvov vilâyetiniñ prokurorı Borıs Antonenko (1912-2010 seneleri.) açqan. Öz vazifesini prokuror 20 yıl devamında becergen. Antonenko özüniñ prokuror keçmişi, cinayetçilik ve “ukrain burjua milletçilerinen” küreş aqqında bir sıra kitaplar yazğan. 2003 senesi prokurorğa “Ukraina ögünde yararlıqlar içün” Ukraiana Qanunına pensiya tayin etildi. 2006 senesi Ukraina General prokurorı Öleksandr Medvedko Antonenkoğa teşekkür bildirgen. 2007 senesi oña “Ukraina fahriy hadimi” unvanı berilgen.

6. Oña muracaat etken er keske diqqat ayırğan. “Fedakâr ve kerçekten de çoq çalışqan, - dep hatırlay qarısı Atena Paşko. - Erte, balarda saat 5 tura edi, yaza edi, soñra işke kete edi, keç yata edi. Bilesiñizmi, boş vaqtı yoq dep ya da başqa sebepler tapıp sizge red cevap berebilecek adamlar bar. Vâçeslav Maksimoviç böyle adam degil edi. O, er vaqıt oña muracaat etken adamlarğa, hususan eger bu ukrain işçlerine bağl olsa, tevsiyeler ve nasiatlar bere edi”.

7. KGB-den “Tınmağan” lağabını alğan. Ermeni dissident ve siyasiy mabüs Paruyra Ayrâkina hatıralarından: “Onıñ energiyası pek çoq edi, o, türmede bile çapa edi, sportnen oğraşa edi. Çoq oqudı, yazdı, kerek olğan işni sekiz saat yerine, üç saatte becere edi, qalğan vaqını öz işlerine ayıra edi”.

8. Ukraina mustaqilliginiñ teklenilmesne inanğan. Bir taqiqatçı açuvdan Vladimir Çornovoldan sorağan: “Yahşı, tasavvur eteyik, siziñ mustaqil Ukrainañız bar. Özüñizni kim olaraq köresiñiz?”. Ve cevabını eşitken: “Kim, kim? Oppozitsion gazeta muarriri olaraq”.

9. Çornovol Ukraina prezidentiligine namzet oldı. 1991 senesi dekabrniñ 1-de prezident saylavlarınada Vâçeslav Çornovol içün 7.420.727 ukrain (23,27%) rey bergen. O, Leonid Kravçuktan soñ ekinci yerni alğan.

10. Moskva çarına antından vazgeçken. 1992 senesi iyunniñ 21-de Pereyaslav-Hmelnitskiyde Büyük Şurada Ukrain kozaklığınıñ Getmanı sayılğandan soñ, 1654 senesi Pereyaslav şurasında Moskva çarına sadıqlıq antından red etüvni ilân etken.

11. Vâçeslav Çornovolnen sağlıqlaşmaq içün Kiyevde 200 biñge yaqın adam kelgen. O, belli olmağan sebepten Börispol yaqınlarında yol qazasında elâk oldı. Çoqusı adamlar keleyatqan prezident saylavları arfesinde mahsus yapılğan siyasiy öldürüv dep saya. General prokurornıñ sabıq muavini Mıkola Golomşa, Çornovolnı qazadan soñ urıp öldürgenlerini tahmin etken edi.

Materiallar Ukraina Milliy Hatıra İnstitutınıñ saytından alınğan.

 

 


Cedvel