Facebook Telegram Twitter Instagram YouTUBE


Baş saife  >  Derc  >  İlânlar  >  6 Saban ayı 2018, 15:03

Martnıñ 12-de tarih ilimleriniñ namzeti ve publitsist, qırımlı Sergiy Gromenkonıñ "#KrımNaş. Іstorіâ rosіyskogo mіfu" kitabı taqdim etilecek

2018 senesi martnıñ 12-de Ukraina haber siyaseti Naziriniñ Birinci muavini Emine Cepparnıñ iştiragı ile "Ükrinform" haber agentliginde saat 15-ten 17-ge qadar tarih ilimleriniñ namzeti ve publitsist, qırımlı Sergey Gromenkonıñ "#KrimNaş. Іstorіâ rosіyskogo mіfu" kitabı taqdim etilecek.

Dört yıldan berli martnıñ başında Rusiye Qırım ilhaqını aqlamaq içün elinden kelgenini yapa. Öz vatandaşlarını ve ğarbiy memleketlerni 2014 senesi silâlı tecavuz degil de, "Vatan" ile "tınç qavuşmaq" içün  "halqnıñ seçimi" sebep olğanına inandırmaq istey. Kreml çeşit oyunlarnı ve açıq-açıq yalannı qullana. Moskvanıñ versiyasına köre, Qırım — bu, evel-ezelden rus toprağı ve qırımtatarlarnen ukrainlernen bu topraqqa iç  bir alâqası yoq ve Hruşçev bu yerni Ukrainağa qanunsız şekilde bağışladı.

Rusiyeniñ bildirmeleri ve versiyaları aqiqatqa oşaymı? Rusiyeniñ isbatları Qırım ilhaqını aqlamaq yeterlimi? Ne içün Ukraina soñki yılları Kreml ucumlarından öz informatsion meydanını qorçalamadı? Bugün Rusiyeniñ informatsion tecavuzınen küreş nasıl kete? Ukraina öz vatandaşlarınıñ ve Ğarbiy dünyanıñ añlavı içün küreşte Moskvanı nasıl etip yeñebile?

Bu suallerge cevap — tarih ilimleriniñ namzeti ve publitsist, qırımlı Sergiy Gromenkonıñ "#KrimNaş. Іstorіâ rosіyskogo mіfu" kitabınıñ temsil tedbirinde.

İştirakçiler: Emine Ceppar, Ukraina haber siyaseti Naziriniñ Birinci muavini; Sergiy Gromenko, qırım tarihçısı ve publitsist, tarih ilimleriniñ namzeti, Yeji Gedroyyets adına Halqara konkursnıñ laureatı; Sergiy Kostınskıy, Televizion ve radioyayınlav meselelerinden Ukraina Milliy Şurasınıñ azası; Osman Paşayev, "UA:Qırım" telekanalınıñ icra prodüsseri; Gülnara Bekirova, qırım tarihçısı, siyasiy ilimler namzeti, ukrain PEN-klubınıñ azası; Yevgen Magda, Dünya siyaseti İnstitutınıñ icra müdiri; Vasıl Pavlov, Ukraina Prezidenti Memuriyeti başlığı muavininiñ mesleatçısı, tarihçı.

Teşkilâtçı: Ukraina haber siyaseti Nazirligi.

Tedbirniñ devamlığı: 15:00 – 17:00.

"Ükrinform" haber agentliginiñ adresi: B.Hmelnitskogo soqağı, 8/16, Kiyev ("Teatralna" metro stantsiyası)


Cedvel