Facebook Telegram Twitter Instagram YouTUBE


Baş saife  >  Derc  >  Qısqa beyanatlar  >  14 Kiçik ay 2018, 10:02

HSN: UA|TV Ukraina tış yayınlav telekanalı bütün dünya içün öz saytını işke kirsetken

2018 senesi fevralniñ 12-de, Ukraina tış yayınlav platformasınıñ qısmı olğan, UA|TV Ukraina tış yayınlav kanalınıñ saytı çalışmağa başladı. Saytnıñ test versiyası daa fevralniñ 5-den çalışmağa başladı.

Ukraina haber siyaseti Naziri Yuriy Stets qayd etkenine köre, Ukraina tış yayınlavınıñ Mültimediya platforması kün-künden inkişaf ete: UA|TV dünya kabel ağlarına ve bütün dünyada innovatsion platformalarğa kirsetile.

"Endiden, Ukraina tış yayınlav telekanalınıñ şahsiy informatsion portalı bar. O, Ukraina aqqında haberlerni birinci ağızdan beş tilde, yani ukraince, rusça, inglizce, qırımtatarca ya da arapça oqumağa imkân bere. Eki soñki versiya test rejiminde çalışa". Nazir qoştı — UA|TV  telekanalınıñ ve "Ükrinform" haber agentliginiñ saytları işke kirsetilmesinen Ukraina doquz tilde yayınlaycaq, bu ise çeşit memleketlerde yaşağan oquyıcılarnı haberdar etmege imkân doğura.

UA|TV Ukraina tış yayınlavı Mültimedia platformasınıñ baş müdiri Lüdmila Berezovska, “er bir tilde çıqqan saytnıñ versiyası üzerinde ayrı insanlar çalışqanı aqqında ve er bir til versiyası öz oquyıcıları baqtırılğanı aqqında” haber etti. Er bir tilde alıp barılğan saifeniñ muarrirleri til tayıcılarıdır. O qoştı — tek ukrain seyircilerini degil de, tış memleketlerde yaşağanlarnı da meraqlandırmağa pek müim.

Hatırlatamız, tış yayınlav telekanalı 2015 senesi oktâbrniñ 1-de yayınlavını başladı. Ukraina tış yayınlav mültimedia platforması "Ukraina televizionı ve radioyayınlavı" bütündünya hızmeti", "Bank televizinı" ve "Ükrinform" haber agentligi kibi devlet teleradioşirketler esasında şekillendi.


Cedvel