Facebook Telegram Twitter Instagram YouTUBE


Baş saife  >  Derc  >  Qısqa beyanatlar  >  18 Qış ayı 2017, 09:12

Haber siyaseti Nazirligi yanında Studentler Şurası Bütün Ukrainalı oldı

2017 senesi dekabrniñ 16-da Ukraina haber siyaseti Nazirligine bütün regionlardan devlet aliy oquv yurtlarınıñ tahminen 50 studenti keldi. Maqsat —  idarelik yanında Studentler şurasınıñ azası olıp, Ukraina haber siyasetine qoşulmaq. HSN devlet kâtibi Artem Bidenko studentlerni şurağa qoşulğanlarınen hayırladı: "HSN Studentler şurası — bu, bugünki künde, devlet müessiseleri yanında olğan yekâne organdır. Yaşlarnıñ faalligi ve olarnıñ kreativ ğayeleri bizleni ilhamlandıra ve informsiyaset saasında meraqlı leyhalar yaratmağa yardım ete. Faal studentler sayesinde biz daima HSN taqımını kenişletemiz".

HSN Studentler şurasınıñ koordinatorı Marına Sobotün tefsir etti: "Bugün mında olğanlar bütün Ukrainadan: Severodonetsk, Harkiv, Lutsk, Odessa, Lısıçansk, Poltava... - aman-aman er bir regionnıñ vekili bar. Biz içün, bütün Ukraina regionlarında bizlerni birleştirgen ve informatsion cebede qoruğan vaqialar, aktsiyalar yaratmağa güzel bir imkân".

Bundan da ğayrı, körüşüv çerçivesinde "İnformatsion telükesizlik meselelerinden tasil leyhalarında HSN Studentler şurasınıñ iştiragı" Bütünukraina konferentsiyası keçirildi.

Spikerler arasında böyle insanlar bulundı: Dmıtro Zolotuhin, Ukraina haber siyaseti Naziriniñ muavini, "Institute for Competitive Intelligence"nen teşkil olunğan, reqabetke qabiliyetli istiqbarattan halqara konferentsiyanıñ birinci ukrain spikeri; Akim Galimov, "Ukrayina. Öz tarihıña qaytuv" leyhasınıñ müellifi, jurnalist; Ölena Dobrojanska, Taras Şevçenko adına Kiyev Milliy Unmversitetininh Kommunikatsiya Merkeziniñ müdiri, siyasiy ilimler doktorı; Ganna Krısük, "Ukraina rekordlar kitabı"nıñ general müdiri, SKUMO prezidentiniñ mesleatçısı, "BiznesWOMAN" mecmuasınıñ saibi;  Kırılo Beskorovaynıy, "Kunşt" ilmiy-populâr mecmuasınıñ baş muarriri ve yaratıcılarından biri, student.

Hatırlatamız, 2016 senesi aprel ayında Ukraina haber siyaseti Nazirligi yanında Studentler şurası yaratılğan edi. Studentler şurası — konsultativ-tevsiye organ, onıñ terkibine Taras Şevçenko adına Kiyev Milliy Universitetiniñ Halqara munasebetler institutınıñ "Halqara informatsiya" zenaatınıñ 12 studenti kirdi. Bugünki künde leyhanıñ muvafaqiyetligi onıñ şeklini Bütünukrain formatqa kenişletilmesini közde tuta edi. Şura tevsiyeler berip, Ukraina haber siyasetiniñ şekillenmesinden, Ukrainanıñ mustaqil informatsion meydanı teminlenilmesinden ve müim künlerge pozitiv informatsion sebepler yaratılması içün konsultatsiyalar keçire.


Cedvel