Facebook Telegram Twitter Instagram YouTUBE


Baş saife  >  Derc  >  Qısqa beyanatlar  >  18 Qış ayı 2017, 09:12

HSN Arsenalda balalar içün "Ukraina Yaponiya küzgüsinde" adlı kitapnı taqdim etti

Dekabrniñ 16-da Sanat arsenalında, Ukraina haber siyaseti Nazirliginiñ sımarışına harkiv ressamı Mariya Rubannen yaratılğan "Ukraina Yaponiya küzgüsinde" adlı balalar içün kitapnıñ temsil tedbirini keçirdi.

Kitap — bu, balalar içün resimler seriyası, anda Yaponiya ve Ukrainanıñ ananeviy temsilleri teñeştirile.

Ressamnıñ sözlerine köre, resimler suvlu boyanen yapılğan, çünki suv boya üslübi adetince yaponiya sanat mektebine has.

Mariya Ruban: "Böyleliknen, saifeniñ bir tarafından bizde, meselâ, samuray kösterile, başqa taraftan ise — kazak; yapon ibadethanesi — ukrain kilsesi; miso şorbası — borşç, terek — künaylan, ve ilâhre".

Tedbirni açaraq, HSN-nıñ devlet kâtibi Artem Bidenko aytqanına köre, Yaponiya Yılı Ukrainanıñ er bir şeyerinde keçti — er bir region Yaponiyanıñ adetlerini ve medeniy hususiyetlerini duydı, amma biz balalar içün de hususiy bir şey yaratmağa qarar çıqardıq. "HSN yıl devamında Yaponiya mevzusını eñ populâr haberler arasında tuta edi. Biz öz tedbirlerimizni yaratmağa, Ukrainanıñ şeyerlerinde eki içtimaiy kampaniya — Ukrainağa Yaponiyanıñ yardımı aqqında ve yaponiyalılarnıñ hususiyetleri aqqında — tarqatmağa tırışa edik. Bugün ise balalar içün bu kitap — grafika yardımınen ukrainalılarnı ve yaponiyalılarnı yaqınlaştırmaq içün imkân".

Ümüt etemiz, bu, memleketimizde de, Yaponiyada da olğan yaponiyalılar Ukraina aqqında hatıra olaraq yahşı suvenir.

Yaponiya Elçiliginiñ başlığı Takaşi Hirano: "Men bellesem, biz, yaponiyalılar, ve ukrainler, pek farqlı olğanımıznı aytmaq qolay, amma biz farqlı olğanımıznen beñzegenimizni ögrenmek daa meraqlı. Biz biri birimiz aqqında daa çoq bilsek, böyle şeyler aqqında daa çoq laf etip olurmız. Bu kitap buña yardım etecek".

Temsil tedbiri vaqtında yapon ve ukrain balaçıqlar içün ressamdan master-klass keçirildi. Aman-aman 40 insan — balalar ve ana-babalar — beraberlikte eki memleketniñ timsallerni sızdılar. 


Cedvel