Facebook Twitter YouTUBE


Baş saife  >  Derc  >  Haberler  >  6 Kiçik ay 2018, 14:02

HSN: Jurnalistler «MEDIA etc. 2.0» milliy mukâfatınen taqdirlendi

2018 senesi fevralniñ 5-de Kiyevde İvan Franko adına teatrde "MEDİA etc. 2.0"  Milliy premiyasınıñ taqdirlenüv tedbiri ötkerilgen. Ukraina haber siyaseti Nazirligi bu sene mukâfatlandıruvnıñ ortağı olğan. Mukâfat "İnstıtut podatkovıh reform" ve "Gromadske radio" cemaat teşkilâtlarınen meydanğa ketirilgen.

Kiriş sözünde Ukraina haber siyaseti Naziriniñ muavini Dmıtro Zolotuhin qayd etti: "İnformatsion zamanda jurnalist zenaatı pek müimdir. Çünki bu zenaat cemiyet ögünde bir de-bir vazife qoya, Ukrainada ilâatlar keçirilüvnıñ keyfiyetli açıqlanması mıtlaqa kerektir. Em ahlâqiy, em professional, em de mesülietniñ añlamınen berilgen malümat duşman feyklerini ve dezinformatsiyasını yeñebilecek silâdır".

Qayd etemiz, ğalipler böyle nominatsiyalarda belgilendi: "Eñ yahşı neşir içün milliy jurnalistik mukâfatı"; "Eñ yahşı radioreportaj içün jurnalistler mukâfatı"; "Eñ yahşı neşir etüv içün regional KHV-nıñ jurnalistik mukâfatı"; "Eñ yahşı videolevha ve radioreportaj içün regional KHV-nıñ jurnalistik mukâfatı" ve ilâhre.

Ğalipler aqqında tafsilâtlıca malümatnı goo.gl/rkZCEH bağlantısı boyunca oquñız.

Malümat olaraq. "MEDIA etc." - bu, iqtisadiy mevzularda çalışqan ve Ukraina ikhtisadiyatında islâatlar keçirilmesini, bergi sistemasında deñişmelerni, yerli kirişim destegini ve inkişafını açıqlağan media hadimleri içün Milliy mukâfattır.

 


Cedvel