Facebook Twitter YouTUBE


Baş saife  >  Derc  >  Haberler  >  1 Kiçik ay 2018, 16:02

Nazir mesleatçısı: "64 şahıs Kremlniñ mabüsi ola: 54 — yaqalanğan ya da Qırımdan çıqarılğan"

2018 senesi yanvarniñ 31-de "Ükrinform" haber agentliginde Qırım reintegratsiyası meselelerinden Nazir mesleatçı Yuliya Kazdobinanıñ iştiragı ile Kremlden ukrain mabüsleriniñ azat etilmesi boyunca tedbir keçirilgen.

Tögerek masanı açaraq, Yuliya Kazdobina qayd etkenine köre, Kreml mabüsleri meselesi çoqusı allarda Qırım sakinlerine ait: "Bugünki künde, 64 şahıs Kremlniñ mabüsi ola, olardan 54 yaqalandı ya da Qırımdan çıqarıldı ve 36 şahıs- qırımtatarlar". Başqa memleketlerniñ böyle tecribesini ögrenüv ve tafsilâtlı talil etüv er bir saada devlet siyaseti şekillenmesi içün temel olmaq kerek, dep qayd etti o.

Özüniñ çıqışı vaqtında Gürcistannıñ sabıq Naziri Paata Zakareişvili qayd etti: "Gumanitar ve siyasiy meselelerni qarıştırmaq kerekmey. Bu, muzakerelerden özüniñ taqdiri çezgen neticeni beklegen insanlarğa yardım etkenini unutmamaq kerek". Bundan ğayrı, o bildirgenine köre, müim faktor — bu, qarşı taraf muzakerelni kim alıp barğanına baqması. Ve, elbette, esas faktor — mecburiyetlerniñ becerilmesi.

Qayd etemiz, Gürcistannıñ sabıq naziri endi 25 yıldan berli Kavkazda davalar vaqtında esir etilgenlerniñ ve reinelerniñ azat etilmesi üzerinde muzakerelernen oğraşa. Bundan ğayrı, "Kreml reinelerini nasıl azat etmek" tögerek masa çerçivesinde, insan aqqlarından Ukraina-Helsinki toplulığı ile "İnsan aqqları içün media teşebbüsi" ve  "Euromaidam Press" uquqimayeci teşkilâtlarnıñ temsilcileri, Rusiye Federatsiyası ve ilhaq etilgen Qırım territoriyasında Ukraina vatandaşlarını esirlikten azat etmek içün tevsiyeler ile "Cenk mabüsleri" adlı esabatnı taqdim ettiler.

Bundan ğayrı, Rusiye ve Ukraina vatandaşlarına qarşı Ğarp memeleketlerinen şahsiy sanktsiyalar kirsetilmesi içün diplomatik resurs qullanılması aqqında tevsiyelerge tögerek masa vaqtında Ukraina tış işler naziriniñ mevleatçısı Maryana Betsa da qol tuttı.  


Cedvel