Facebook Telegram Twitter Instagram YouTUBE


Baş saife  >  Derc  >  Haberler  >  26 Qara qış ayı 2018, 09:01

HSN: Kiyevde 2018 senesi dekabr ayında çıqacaq “Krutı 1918” filmini taqdim ettiler

Yanvarniñ 25-de “Oskar” kinoteatrinde (“GULLİVER” alış-veriş merkezi), Ukraina haber siyaseti Nazirliginiñ devlet kâtibi Artem Bidenkonıñ iştiragı ile “Kruti 1918” filminiñ temsil tedbirine bağışlanğan matbuat konferentsiyası ötkeriledi.

Matbuat konferentsiyasını açaraq, Ukrainanıñ sabıh baş naziri Pavlo Rozenko, qayd etkenine köre, bu kinolevha - ukraina ordusız ukrain devleti olamağanını añlamaq içün müim bir derstir. “Butün ukrain cemiyeti baqıp da, 1918 senesiniñ inceligini duymaq kerek, çünki o vaqıt aman-aman bir qaç biñlik rusiye ordusına qarşı yaş adamlar, gençler ve studentler qoyulğan”, - dep qayd etti Nazir.

Artem Bidenko dedi: “Biz içün bugün üç qısım eñ müim: kinematograf, kommunikatsiyanıñ pek küçlü aleti olaraq; devlet içün ayatlarını bergen qaramanlar; devletnen bu kommunikatsiyanıñ, bu miflerniñ destklemesi”.

“Krutı 1918” filminiñ prodüsseri Andriy Körniyenko haber etkenine köre, film içün eñ kelişik temsil tarihı saylanıp alındı. “Oynatmağa fil dekabrniñ 6-da, yani Ukraina silâlı quvetler künü çıqacaq”, - dep haber etti o.

Qayd etemiz, filmde Ukraina milliy gvardiyasınıñ 150 vekili iştirak etti.

Matbuat konferentsiyasında iştirak etti: Pavlo Rozenko, Ukrainanıñ sabıh baş naziri; Artem Bidenko, Ukraina haber siyaseti Nazirliginiñ devlet kâtibi; Yevgen Nişçuk, Medeniyet Naziri; Sergiy Neretin, Ukraina devlet kinosı başlığınıñ birinci muavini.

Matbuat vastaları birinci treyler, poster, eksklüziv videolevhalarnı baqıp çıqtı ve film yaratıcılarınen sayğılı musafirlerge sualler berdi.

Filmni taqdim etken icadiy gruppa terkibine böyle insanlar kirdi: rejissör Öleksiy Şaparev, prodüsser Andriy Körniyenko, stsenariy müellifi Kostântin Konovalov, aktörlar: Yevgen Lamah, Nadiya Köverska, Andriy Fedinçik, Öleksiy Trıtenko, Öleksandr Piskunov, Dmitro Stupka, Ostap Stupka.

Qayd etemiz, bediiy film, 1918 senesi qışta Krutı demiröl stantsiyasında kerçek uruş ikâyesi boyunca çıqarıldı. Memlekette müim vaqialar vaqtında eki ağa-qardaş  Andriy ve Oleksa Savitskiyler acayip Sofiyağa sevda olalar. Bolşevikler Kiyevge yaqınlaşa, şeyer “qırmızı” istiqbaratçılarnen tolu ve ilâhre.

 


Cedvel