Facebook Telegram Twitter Instagram YouTUBE


Baş saife  >  Derc  >  Haberler  >  2 Qara qış ayı 2018, 11:01

E.Ceppar: HSN Ukraina bütünliginiñ temsilci erbabı M.Çernâvskiyniñ eserlerini neşir etecek

2017 senesi dekabrniñ 28-de “Ukrinform” haber agentliginde Mıkola Çernâvskiyniñ 150-ci yıllığına bağışlanğan press-konferentsiya keçirildi. Mıkola Çernâvskıy - Donbassta doğğan ukrain yazıcısı. Bu adam şarqiy sıñırlarda Ukrainanıñ canlılaştırması olıp, Ukraina rusiye teşviqatına baqmadan, bu regionlarda bulunğanınıñ şaatı ola.   

Tedbirni açaraq, Ukraina haber siyaseti Nazirliginiñ Birinci muavini Emine Ceppar haber etkenine köre, HSN ukrain özgünliginiñ populârlaştırması maqsadınen “Ukrain ordusı içün ukrain kitabı” leyhası çerçivesinde kelecek sene Mıkola Çernıyavkiyniñ everlerini neşir etüv imkâniyetini baqıp çıqacaq. “Çernâvskiy printsipli insan edi, o, Ukraina patriotı edi, ve şimdi onıñ büyük icadiy mirasından eñ meraqlı eñ qıymetlisini neşir etmege unikal fırsat bar, bundan da ğayrı onıñ icadınıñ populârlaşmasına baqtırılğan bir sıra tedbirler keçirmege imkân bar”, - qayd etti Ceppar.

“Ukrayinska initsiatıva” cemaat teşkilâtınıñ idare başlığı, terciman, alim Yuriy Kösenkonıñ sözlerine köre, Mıkola Çernâvskiyniñ eserlerini neşir etip, aynı Donbassta - eali, maarifler, müzey hadimlerni arasında olarnı tarqatmağa pek müim. Bundan fayda pek büyük olur edi, dep tüşüne o. “Ve mustaqillikniñ episi yılları devamında, Çernâvskiyniñ eserleri Ukrainada birinci kere neşir etilecek”, - qayd etti o. Bundan da ğayı o bildirgenine köre, neşir etilüv dekabrniñ 22-de yazıcınıñ vatanı Dobropillâ şeyerinde maqsus keçken tantanalı tedbirge azırlandı.

Bundan da ğayrı, Kösenko “Mıkola Çernâvskıy. Saylanma eserler” cıyıntığını taqdim etti. Bu cıyıntıq “Ukrayinska initsiatıva” ve “Bahmut Ukrayinskıy” cemaat teşkilâtlarınıñ yardımınen çıqarıldı.

Teşkilâtçı: Ukraina haber siyaseti Nazirligi.

İştirakçiler: Emine Ceppar, Ukraina haber siyaseti Naziriniñ Birinci muavini; Yuriy Kösenko, “Ukrayinska initsiatıva” idare başlığınıñ yolbaşçısı; Ölga Tımçışın, “Ukrayinska initsiatıva” cemaat teşkilâtı idare başlığınıñ muavini.

Hattsırlatam. Ukrain edebiyatı klassigi hatırasını añuv Donbassta birinci bastırılğan ukrain kitabınıñ - “Donetski soneti” neşirinden ve rusiye-sovet cellâtlarınıñ elinden facialı ölümi kününiñ 80-ci yıllığından - 120 yıllığına kelip tüşe. Mıkola Çernâvskıyniñ şahısı pek müim. O, umumukrain seviyesinde edip oıp, Ukraina bütünliginiñ añlamını canlandıra, çünki Donbassta doğdı; amma özüniñ ayatınen o Ukrainanıñ çeşit regionlarını birleştirdi: Çernigiv vilâyetinde çalıştı, soñra ise bazı vaqıt Harkovde yaşadı ve aynı şöyle etip aktiv medeniy-maarif faaliyetini başladı. Neticese ise, aynı bu sebepten srvet devrinde atıp öldürildi. 


Cedvel