Facebook Twitter YouTUBE


Baş saife  >  Derc  >  İlânlar  >  22 Qış ayı 2017, 10:12

Dekabrniñ 26-da balalar içün “TİLDE BİRLİK” degen tasil aktsiyası keçirilecek

Dekabrniñ 26-da saat 12.00-de “Ukrinform” ArtHub-ınıñ binasında balalar içün “Tilde Birlik” degen tasil aktsiyası keçirilecek.

Teşkilâtçı: Ukraina haber siyaseti Nazirligi, Milliy Meclis.

Qısqaca. Dekabrniñ 25-nece episi istegen balalar, yaşına baqmadan, aktsiyada iştirak ete bile. Buña qalp şeklinde kâgıt parçasını yapıp onıñ üstünde Vatan, tuvğan topraqqa ve tuvğan tilge sevgi mevzusında qırımtatar tilinde bir-de-bir söz yazmaq kerek. Bir iştirakçiden böyle qalplerniñ sayısı sıñırsız.  

Dekabrniñ 26-da ArtHub binasında, aktsiyanıñ finalı vaqtında, qırımtatar halqınıñ lideri Mustafa Cemilev ve Milliy Meclis reisi Refat Çubarov episi yaş iştirakçilerge ediye berecekler.

Qoşma malümat. Aktsiyanıñ serlevası meşur qırımtatar cemaat erbabı İsmail Gasprinskiyniñ sözlerinden alındı. Sözlerni tafsilâtlıca alsaq, olar böyle yañğıray: "Tilde,  Fikirde, İşte  Birlik".


Cedvel