Facebook Telegram Twitter Instagram YouTUBE


Baş saife  >  Derc  >  Haberler  >  20 Qış ayı 2017, 17:12

HSN 2017 senesi özüniñ faaliyeti boyunca esabat berdi

2017 senesi dekabrniñ 20-de “Ukrinform” haber agentliginde Ukraina haber siyaseti Nazirligi press-konferentsiya vaqtında 2017 senesi boyunca işiniñ talilini taqdim etti.

Ukraina haber siyaseti Naziri Yuriy Stets:

“Bir yıl içinde HSN faaliyetiniñ esabatını, bizge yardım etken er keske büyük teşekkürden başlamaq ister edim, ilk-evelâ bu Yuqarı Şuranıñ profil komitetlerine nisbeten - Söz serbestligi ve haber siyaseti meselelerinden komitetke ve Milliy telükesizlik ve mudafaa meselelerinden Komitettir. Soñki vaqıtları Yevrointegratsiya meselelerinden komitet ile faal ve keyfiyetli işbirlikni başladıq”, - dep, qayd etti Nazir.

Bundan ğayrı, o,  Televizion ve radioyayınlav meselerinden Milliy şura, Maqsus devlet bağınen Devlet teleradio komitetine ve Ukraina haber siyaseti Nazirliginiñ terkibine kirgen müessiselerge, yani Ükrinformğa, Mültimediya platformasına, “UATV” telekanalına ve Cemaat televizionuna  işbirlik içün minnetdarlığını bildirdi.

Öz nevbetinde, Qırım ve Donbassnıñ informatsion reintegratsiyası aqqında esabat berip, Nazir mesleatçısı Yuliya Kazdobina yıl devamında Qırım boyunca amelge keçirilgen bir sıra içtimaiy kampaniyalarnı ve HSN-nen taqdim etilgen “Kiborgi” ve “Başqasınıñ duası” kibi filmlerni qayd etti.

“HSN üç strategik vesiqanı işlep çıqardı: Qırım ve Ukraina Şarqında ayrı territoriyalarnıñ reintegratsiyası boyunca ve Qırımtatar halqınıñ halq ögündeki diplomatiyası boyunca devlet siyaseti Strategiyası. Ondan da ğayrı, HSN bu sene böyle deviriy matbuatnı ombrge keçirdi: “Qırım  İnform” analitik mecmuası (bu mecmua memleket tışında tarqatıla), “Donbass İnform” degen er aylıq gazeta”, - dedi Kazdobina.

Nazir muavini Dmıtro Zolotuhin özüniñ yönelişi boyunca böyle neticelerni seslendirdi: “Bu yıl isinde biz Ükriana informatsion telükesizliginiñ Mezebini ömürge keçirdik,  ondan evel bu mezep üzerinde Eskpertler şurası çalıştı, RNBO ise onı tasdıqladı ve Ukraina prezidenti onı imzaladı. Mezep çerçivesinde biz NATO ile strategik kommunikatsiyalarnı inkişaf etemiz, bundan da ğayrı tasil islâatını ileriletemiz - Tasil ve ilim Nazirliginen beraberlikte yañı “kommunikativistika” degen zenaatını kirsetemiz. Er şey, cemaat ögünde maksimal açıq olmaq, añlayışlı sistemanı ve areketler ketişatını tüzetip, tez ve keyfiyetli malümatnı bermek içün yapıla”.

Artem Bidenko, Ukraina haber siyaseti Nazirliginiñ devlet kâtibi dünyada Ukraina populârlaşması yönelişinde yapılğanlar aqqınla aytıp berdi. “HSN içün bu sene “memeleket tışına” bir çoq malümat toplanılması ve azırlanılmasınıñ devri oldı. Bu künlerde CNN-de biz Ukraina aqqında rolikni köstermege başladıq. Bundan da ğayrı, ingliz tilinde bir çoq neşriyatlar bastırıldı, “Dâkuyu” filmi çıqarıldı ve biz Ukraina brendbukı şekillenilmesiniñ soñki basamağında bulunamız”.

O hatırlattı - bu yönelişte böyle neticelerge kelmek maqsadınen Nazirlik yanında dünyada Ukraina populârlaşması meselelerinden maqsus idareliklerara komissiyası yaratıldı.

Hatırlatamız: Ukraina haber siyaseti Nazirligi er künü resmiy veb-saytında onlayn-rejimde ealini özüniñ faaliyeti aqqında haberdar ete, ukrain ve ingliz tilinde işi aqqında esabatlarnı neşir ete, bu esabatlarnı ise Ukrainada çetel memleketlerniñ diplomatik missiyalarınıñ vekilleri ile körüşüvler çerçivesinde insanlarğa tanıta.

2017 senesi içinde HSN-nıñ esas irişmeleri:

- Lugansk ve Herson vilâyetlerinde ukrain yayınlavınıñ tüzetilmesi içün 2 qulle quruldı (Çonğar ve Bahmutivka);

- UA:TV telekanalı dünyanıñ 63 kabel ağında irişimli oldı;

- 16 içtimaiy kampaniya ömürge keçirildi, olardan 7-si - Ükümet islâatlarınıñ destegine;

- Qırım ve Ukraina Şarqında ayrı territoriyalarnıñ reintegratsiyası boyunca ve Qırımtatar halqınıñ halq ögündeki diplomatiyası boyunca devlet siyaseti Strategiyası ömürge keçirildi;

- Donbass ve Qırımnıñ informatsion reintegratsiyası yönelişinde 6 umummilliy kommunikatsion kampaniya keçirildi, 2 halqara halq ögünde tedbirler ötkerildi, 2 bediiy film taqdim etildi (“Başqasınıñ duası” ve “Kiborgi”), “Qırım  İnform” informatsion-analitik mecmua ve “Donbass İnform” gazetası çıqarıldı.

 


Cedvel