Facebook Telegram Twitter Instagram YouTUBE


Baş saife  >  Derc  >  Brifing ve matbuat konferentsiyaları  >  30 Boş ay 2017, 13:11

HSN Qurultay aqqında haber kampaniyasını başladı

Noyabrniñ 30-da "Ükrinform" haber agentliginde Haber siyaseti Naziriniñ Birinci muavini Emine Ceppar haber etkenine köre, Ukraina haber siyaseti Nazirligi "Qırımtatar milliy Qurultayınıñ 100 yıllığı" haber kampaniyasını başlay. Onıñ maqsadı — Qurultay ne olğanını añlatmaq ve qırımtatar halqı içün onıñ tarihiy emiyetini köstermek.

"Kampaniya pek qolay. Onıñ maqsadı: Qurultay — milliy toplaşuv, parlament olğanını aytıp bermek, çünki "Qurultay" sözüni er bir ukrain bilmey, onıñ içün bu marrif faaliyeti. Onıñ içün, kampaniyağa biznen azırlanğan videolevha kire, şu cümleden ingliy tilinde, soñra biz onı Nazrilgine bu kampaniyanı çetelde ileriletmek içün, Tış işler Nazirligine yollaycaqmız", - dedi Ceppar.

Bundan da ğayrı, kampaniyağa bir sıra bord ve sitilaytlar kire, olarnı Kiyevde körmek mümkün. Teleradioyayınlav meselelerinden Milliy şura Qurultay aqqında videolevhağa içtimaiy reklama statusını berdi, yani onı taqdim etüv ricasınen ukrain telekanallarına yiberecekler.

Bundan ğayrı, kampaniya çerçivesinde risale bastırıldı. Bu risaleni Nazirlik qırım tarihçısı, ukrain PEN-klubınıñ azası Gülnara Bekirovanen işlep çıqarıldı. Risale Qurultaynıñ esas vazifeleri, onı nasıl yarıtqanlarını, onıñ maqsadı ve qırımtatarlar içün neticeleri aqqında malümat bermek.

Öz nevbetinde, Refat Çubarov, Ukraina halq deputatı, Milliy Meclis Reisi, haber etkenine köre, Ukraina Yuqarı Şurası, bu sene dekabrniñ 6-da, saat 15-te Birinci Qırımtatar Qurultayınıñ sayesinde tantanalı merasim keçirecek.

Çubarov aytqanına köre, tedbirde siyasiy erbaplar, diplomatlar, deputatlar, Qırımdan vatandaşlarımız, Poloniya, Litvaniya ve Romaniya müftiyleri iştirak etecek.

Hatırlatamız, qırımtatar halqınıñ Qurultayı — milliy toplaşuv, qırımtatar halqınıñ eñ yüksek temsil etici organı. 1917 senesi dekabr ayında Milliy Qurultay mavı tüste milliy bayraqnı, qırım hanlarınıñ altın tamğasını tamğasını ve milliy marşını milliy temsalleri olaraq  tasdıqladı.

Matbuat konferentsisında iştirak etkenler: Refat Çubarov — Ukraina halq deputatı, Milliy Meclis reisi; Emine Ceppar — Ukraina yuqarı Şurasınıñ Birinci muavini; Gülnara Bekirova — qırım tarihçisı,  ukrain PEN-klubınıñ azası; Gayana Yüksel — Milliy Meclis azası, "Qirim Haber Ajansi" neşriyatınıñ yolbaşçısı; Natella Şavadze — "Qırım evi"niñ PR-meneceri.


Cedvel