Facebook Twitter YouTUBE


Baş saife  >  Derc  >  Brifing ve matbuat konferentsiyaları  >  2 Ekim ayı 2017, 13:10

HSN ATO zonası içün daa çoq kitap bastıracaq

2017 senesi sentâbrniñ 29-a "Ükrinform" haber agentliginde "ATO zonası içün ukrain kitabı: "Ukrainska biblioteka" leyhası.

Tedbirni açqan vaqıtta, Ukraina haber siyaseti Nazirliginiñ devlet kâtibi, Artem Bidenko qayd etti: "Tedbirimizniñ mevzusı - ukrain neşriyatınıñ ğayrıdan tiklenilmesi ve Şarqnıñ, yani ATO zonasınıñ, ordunıñ ihtiyacları ve dünyada diplomatik temsilcilikler vastasınen Ukraina populârlaşması içün kitap neşir etilmesi. Ukraina haber siyaseti nazirligine profil komiteti ATO zonası içün neşriyatlarğa qol tutmaq vazife berdi. Biz bu vazifeni birinci basamaqta becerdik, işimizni qabul etiñiz", - dedi Bidenko,HSN-nen bastırılğan işlerni kösterip.

Söz serbestligi ve haber siyaseti meselelerinden Ukraina Yuqarı Şurası Komitetiniñ başlığı, Viktoriya Sümarniñ sözlerine köre, memleketniñ Şarqında ukrain kitabı meselesi pek qattı tura ( Şarqnıñ bütün kitaphanelerine 20 yıldan ziyade ukrain edebâitını ketirmediler), zemaneviy ukrain edebiyatınıñ meselesi ise daa qattı tura.

"Bizim prioritetimiz - bu, Şarqta olğan arbiy qısımlar, cemaat kitфaphaneleri ve mektepler. Ukraina tarihı, Donbass tarihı ve cenk tarihı, cenk taktikası aqqında, Şarqta olğan vaziyet aqqında zemaneviy metinler kerek", - dedi Sümar.

Tış işleri Nazirliginiñ halq ögündeki diplomatiya İdareliginiñ birinci kâtibi Taras Moskalenko qayd etkenine köre, ukrain kitabınıñ stendini Yarankfurt yarmalığında taqdim etmek pek müim. "Rus istisalcige baqtırılğan, rus tilinde olğan ukrain edebiyatında ihtiyac bar", - dedi Moskalenko.

Tedbirden soñ HSN vekilleri, ATO zonası içün kitap neşir etilmesi boyunca ileri iş boyunca tedbirde iştirak etüvge davet etilgen neşircilernen fikirlernen paylaştılar.

Artem Bidenko teklif etti: "Biz sizlernen neşir etilüv protsesini muzakere etmek isteymiz: ketirüv, tercime etüv, mevzular ve ilâhre. Belki de, bu meselege professional yanaşmağa yardım etecek ekspertlerniñ şurası olur. Biz sıq işbirlikke azırmız ve siziñ teklifleriñizni bekleymiz".

Tedbir teşkilâtçıları: Ukraina haber siyaseti Nazirligi, Söz serbestligi ve haber siyaseti meselelerinden Ukraina Yuqarı Şurası Komiteti.

İştirakçiler: Viktoriya Sümar, Söz serbestligi ve haber siyaseti meselelerinden Ukraina Yuqarı Şurası Komitetiniñ başlığı; Artem Bidenko, Ukraina haber siyaseti Nazirliginiñ devlet kâtibi; Taras Moskalenko, Ukraina Tış işleri Nazirliginiñ halq ögündeki diplomatiya İdareliginiñ birinci kâtibi; ukrain neşriyatlarınıñ vekilleri.

 


Cedvel