Facebook Twitter YouTUBE


Baş saife  >  Derc  >  Video  >  18 Ekim ayı 2017, 11:10

Ukrainağa Yaponiyadan ressam kelip manga şeklinde arbiylerimizniñ resimlerini ketirdi

Ukraina qoruyıcısı kününe, 2017 senesi oktâbrniñ 14-de, "Ükrinform" agentliginiñ art-habında, "Ukrain arbiy adamı yapon illüstratsiyalarında" mevzusında Manga yapon sanatınıñ şeklinde illüstratsiyalarnıñ temsil tedbiri ötkerildi

Bu sebepten Haber siyaseti Nazirligi Ukrainağa ressamınıñ özüni davet etti, onıñ adı Natsume. Bu, onıñ birinci seyaatı oldı, özü de Ukrainağa.

Ukraina haber siyayeti Nazir Yuriy Stets, tedbirni açqan vaqıtta, aytqanına köre, avgustnıñ başında ukrain arbiyleri aqqında Natsumeniñ eyecanlı eserleri İnternette pek belli oldı. Hususan, tvitterde resimler biñlernen paylaşuvlar aldı. "Bugün Natsume ukrain ordusına destek köstermek içün, bu serginiñ açılışına keldi. Bu, bütün dünyada belli olğan manga usulında illüstratsiya sanatı vastasınen arbiylerimizniñ cesürligini populârlaştıruv".

Ukrainada Yaponiyanıñ Müteşşem ve Vekâletli elçisi Şigeki Sumi: "Bugün mında Natsumeniñ sergisini keçirmege imkânımız olğanınen hoşlanam, ve böyle yaş ressam Yaponiyadan Kiyevge kelgenine pek memnünim. O, Ukraina ve ukrainlerni tasvirlegeni ve onıñ resimlerini er kes begengeni pek yahşı".

Ressamnıñ özü aytıp bergenine köre, o, arbiy mevzunen daa 2013 senesinden oğraşmağa başladı. İnternette çeşim resimlerni baqa edim, olar arasında ukrain arbiyleriniñ resimlerini rastketirdim. "Olarnı pek begendim, ukrain arbiylerinen meraqlanmağa, malümat toplamağa, resim yapmağa başladım. Bugün ise bu sergi keçe. Nağışlarnı da internette kördim. Añlağanıma köre, olar çeşit-türlü ve olarnıñ resimi regionnen bağlı", - dedi Natsume.

"Natsume hanım kelgeni, haber siyaseti Nazirligi onı tanıtqanı ve mında davet etkeni de quvandıra. Medeniyet er kesni bağlandırğanı pek müim", - dedi Medeniyet Naziriniñ birinci muavini Svitlana Fomenko.

Hatırlatamız, avgustnıñ başında, İnternette, yapon ressamı manga şeklinde arbiylerimizni tasvirlegeni aqqında haber peyda oldı. Hususan, bu yapon adamı, erkeklernen birde eline silâ alğan ve Donbassta savaşlanğan qızlarımıznen meraqlana eken. Malüm olğanı kibi, bu ressam - nazik qızçıq Natsume, o, şimdi, Ukrainağa kelip ketken soñ, arbiylerimizni canlı şekilde tasvirlecek. Açılış tedbirinden soñ, onıñ iştirakçileri serginiñ bir sıra ziyaretçilerinen qonuştılar - Ukraina silâlı quvetleriniñ arbiyleri, kursantlar, Milliy Nvardiya vekilleri, ve başqa Ükrinformğa kelgenler, çünki yapon medeniyeti olarnı meraqlandıra. Musafirler ve ziyaretçilerniñ qonuşqanından soñ bayram sebebinden , Natsume yapqan ananeviy ukrain vareniklerinen  sıyladılar.


Cedvel