Facebook Telegram Twitter Instagram YouTUBE


Baş saife  >  Derc  >  Haberler  >  26 Berim ayı 2017, 12:09

HSN: Starıy Krım qasabasınıñ sakinleri ukrain televizionunı seçe

Ukraina haber siyaseti Nazirliginiñ nezaret missiyası Donetsk vilâyetindeki şeer şeklinde qasabasınıñ territoriyasında teleradioyayınlav alınıñ talilini keçirdi.

Keçirilgen nezaret neticesinde belgilengenine köre, ukrain teleradiokanallarınıñ yayınlavınen problemler yoq. “Qasaba territoriyasında yayında onğa yaqın ukrain telekanalı yahşı çalışa, bundan da ğayrı dijital “T2” televizionı da yahşı çalışa”, - dep haber ete ATO zonasında yayınlav yañartuvı meselelerinden Nazir mesleatçısı, Ukraina halq deputatı ve nezaret missiyanıñ reberi Oleksandr Brığınets.

Starıy Krım qasabasınıñ şura başlığı Mıhaylo Balabanovnıñ sözlerine köre, yerli sakinler eñ çoq seyir etken KHV – ukrain ya da rus olğanını belgilemek tek böyle hususiyetke köre mümkün: işğalci kanallarnı tek yoldaş antennası yardımınen seyir tmek mümkün. Böyle etip, Starıy Krım qasabasında 1800 evlerden tek 30 yaqını özüne yoldaş antennalar qoycı. “Demek, vatandaşlar, yahşı keyfiyette devlet telekanalları olsa, qasabasına ücüm etkenlerniñ kanallarınen meraqlanmaylar”, - dedi Balabanov.

Hatırlatamız, 2017 senesi avgustnıñ 22-de Ukraina Prezidenti Petro Poroşenkonıñ, Ukraina haber siyaseti Naziri Yuriy Stetsniñ ve temsilci akimiyetteki başqa vekilleriniñ iştiragı ile Lugansk vilâyetindeki Novoaydarivsk rayonunıñ Bahmutivka köyü yanında 134-metrolıq yañı telequlleniñ resmiy açılışı olıp keçti.


Cedvel