Ukraina haber siyaset nazirligi


HSN Halqara PEN-klubı Kongressiniñ ortağı oldı

Sentâbrniñ 18-den 27-nece Ukrainada ilk kere PEN-klubnıñ 83-ci Halqara kongressi keçe. Kongresske bütün dünyadan edebiyat erbapları ve intellektuallar keldi. Tedbir, hususan, Ukraina haber siyaseti Nazirliginiñ yardımı ile keçirildi.

Sentâbrniñ 22-de  Ukraina haber siyaseti Naziriniñ devlet kâtibi Artem Bidenkonıñ iştiragı ile “Teşviqat vaqtında aqiqatnı qoruv” halq ögündeki muzakere keçirildi. Bundan da ğayrı, tedbirde Cenifer Klement (Meksika, Halqara PEN Prezidenti), Pol Öster (AQŞ), Deyvid Patrikarakos (Büyük Britaniya). Moderator: Mergi Orford (Cenübiy Afrika).

Öz çıqışında Artem Bidenko Ukraina haber siyaseti Nazirligi işiniñ esas yönelişleri aqqında aytıp berdi.

“Söz serbestligi ve jurnalistlerniñ destegi - siz içün eñ büyük degerlikler. Onıñ içün biz işimizde aqiqatnı eñ büyük kontrteşviqat kibi seçip aldıq”, - dep, qayd etti o.

Bidenko yañlış malümatnen qoruvda göñülliler areketlerinen küreşte Nazirlikniñ işbirligini qayd etti. “İnformNapalm”, “StopFeyk”, “StopTeror” kibi areketler. Bundan soñ o, tedbir vaqtında olarğa teşekkürlerini bildirdi.

Bundan da ğayrı, HSN tedbir vaqtında Ukrainada söz serbestligi aqqında deletlarnen qonuşıp, iştirakçiler içün haber materiallarını tarqattı: “Rusiye istilâsınıñ 20 faktı” "DEFENDING THE RIGHTS OF JOURNALISTS IN UKRAINE", Serbestlik yoq eticileri, “Marionetki Kremlâya”. (malümat eki tilde taqdim etilgen: ingliz ve ukrain).

[an error occurred while processing this directive]