Ukraina haber siyaset nazirligi


Ukrain jurnalisti Mıkola Semenağa Kremlnen çıqarılğan üküm üzerinde HSN bildirmesi

Bugün, sentâbrniñ 22-de, Kremlnen nezaret olunğan Aqmescitniñ Demiryol rayon mahkemesi, Qırım jurnalisti, “Radio Svoboda” ve “Qırım.Aqiqat” müellifi Mıkola Semenağa üküm çıqardı.

Jurnalistke eki yarım yıllğa şartlı ve üç yılğa deneme müddetinen üküm çıqarıldı. Bundan da ğayrı, oña, jurnalistikanen oğraşmağa yasaq etile.

Qırım al-azırda ter-temiz tecavuz zonası oldı, qırımlılar ise, dezinformatsion haberlerden, kerçek haberlerni alıp olamaylar, çünki mustaqil KHV yoq etildi. Qırım sotsiumınıñ azaları repressiyalardan zarar köreler. Ne cemaat, ne konstitutsion qanunlar, ne de söz serbestligi ve aqq-uquqlarnıñ becerilmesi yoq. Bunıñ isbatı – Mıkola Semenağa çıqarılğan üküm.

Qayd etemiz, Nazirlik Ukraina telükesizligi hızmetine ve Ukrainanıñ General Prokuraturasına areketler keçirilmesi içün, qırım jurnalistiniñ işi boyunca muracaatını yolladı.

Hatırlatamız, bundan evel Semena yekünleyici sözünen mahkemede çıqışını yapıp, bildirdi – eger onı qabaatlap, oña üküm çıqarsalar, bu bütün Rusiyeniñ jurnalistikasına tesir etecek. Sentâbrniñ 18-de Prokuror Semena içün üç yıllıq şartlı apis etilüvni, üç yıllıq deneme müddetini ve bu üç yıl devamında bir de-bir jurnalistik faaliyetinen oğraşmağa yasaq almasını istedi.

 

[an error occurred while processing this directive]