Facebook Twitter YouTUBE


Baş saife  >  Derc  >  Haberler  >  19 Berim ayı 2017, 11:09

HSN: Keyfiyetli mediatasil – bu, haber telükesizliginiñ temeli

2017 senesi sentâbrniñ 18-de Ukraina haber siyaseti Nazirliginiñ destegi ile Borıs Ğrinçenko adına Kiyiv universitetinde “XXI asırda kommunikatsiya: telükesiz ölçeme” adlı Halqara konferentsiyası keçirildi.

Taraflar körüşmesiniñ maqsadı – kerekli derecede haber mustaqilligini teminlemek içün, haber telükesizligi saasında fikirlernen ve tecribenen paylaşmaq, keyfiyetli kadrlar azırlanuvı meselesini muzakere etmek.

Ukraina haber siyaseti Naziriniñ muavini Dmıtro Zolotuhin: “Mütehassıslar çoqlaşa, amma mediamüitte körüngen deñişmeler, afsus ki, yoq. Şu sebepten, mütehassıslar azırlanuvında em teoretik, em de ameliy yanaşmalarnı deñiştirmek içün, bu saada çalışqan alimlerniñ ve metodistlerniñ tevsiyelerine ve tekliflerine diqqat ayırmaq kerek. Tek o zaman, biz bu saanıñ hadimleri işinde deñişmeler körip olurmız”.

Prorektor Valâs  Tadeuşnıñ sözlerine köre, Adam Mitskeviç adına Üniversitette (Poznan şeeri, Poloniya) endi “kommunikatsiya ve media” yonelişinde mütehassıslarnı azırlaylar, çünki, añlaylar, akimiyet ve eali arasında dialognı, ayrı programma boyunca azırlanğan, güzel mütehassıslar tizmek kerek.

HSN-nıñ KHV ile iş sektorınıñ reberi Marına Sobotük hatırlattı, Ukrainada da böyle zenaatnı kirseteyatırlar: “Akimiyet aydınlığını teminlemek içün ve “akimiyet-eali” arasında bağlar qurulmasını tizmek içün bizim Nazirligimiz, “kommunikativistika” yonelişinde ayrı bölüm yaratılması aqqında alimler ve camiyetniñ teşebbüsine qol tuttı. Şimdi bu mesele Tasil Nazirliginen ömürge keçirilmege devam ete, çünki aynı olarda böyle deñişmeler kirsetilmesiniñ aqqı bar”.

Golebnövska Klaudiya, Poznanda Adam Mitskeviç adına Universitetniñ siyasiy ilimler ve jurnelistika fakultetiniñ siyasiy medeniyet kafedrasınıñ dotsenti, rusiye neşriyatlarınen malümat deñiştirilmesiniñ konkret adiselerini, hususan, vizasız rejimnen vaqia aqqında konkret vaqialarnı qayd etti. “Rusiye neşriyatları ve, atta, bazı ukrain neşriyatlar, sanki Poloniya ukrainlerge çıqışnı yasaq etecek dep,  vizasız rejim üzerinde vaziyetni yañlış tefsir ettiler”.

Mariçka Burmaka, Ukraina halq artisti, öz nevbetinde, ukrain icracılarına tayanıp, haber siyasetiniñ “soft power” aqqında aytıp berdi ve yır icra etti.

Tedbirde iştirak etti: Zolotuhin Dmırto, Ukraina haber siyaseti Naziriniñ muavini; Poloniyadaki Poznan şeerinde Adam Mitskeviç adına Universitetniñ vekilleri ve universitet prorektorı, siyasiy ilimler doktorı Valâs Tadeuş; Ognevyük Viktor, Borıs Ğrinçenko adınaKiyiv universitetiniñ rektorı, felsefiy ilimler doktorı, Ukraina siysiy ilimler milliy akademiyasınıñ akademiki; Danılenko Serğiy, Taras Şevçenko adına Kiyiv Milliy Üniversitetindeki Halqara munasebetler İnstitutınıñ halqara kommunikatsiyalar ve kommunikativ tehnologiyalar kafedrasınıñ başlığı, siyasiy ilimler doktorı; ve, bundan da ğayrı, medeniyet erbapları (Mariçka Burmaka) ve akimiyet, cemaat vekilleri. 


Cedvel