Facebook Telegram Twitter Instagram YouTUBE


Baş saife  >  Derc  >  Haberler  >  19 Berim ayı 2017, 09:09

Dmıtro Zolotuhin: “Ukraina ve Avropa teşviqatqa qarşılıq tecribesinen paylaşmaq kerekler”

1

Sentâbrniñ 13-de Ukraina haber siyaseti Naziriniñ muavini Dmıtro Zolotuhin, Berlinde «Democracy Reporting International» teşkilâtınen teşkil olunğan, “Ukrain dersleri: teşviqatnen küreş ve demokrqatiya qoruvı” podium muzakeresinde iştirak etti.

Dmıtro Zolotuhin, Ukrainada melez istilâsı aqqında laf yürsetip, qayd etti: “Ukraina haber meydanında yüz bergen olaylarnı, mahsus hızmetlerniñ çalışmaları saasına kirsetmege doğruca olur edi. Bu, aktiv tedbirler. Bu, medianen yapılğan areketler degil, olar, özlerini KHV dep sayğan ve özlerini jurnalistler dep adlandırğan teşkilâtlarnen ömürge keçirilgen areketler”.

Nazir muavini dedi: “Ukraina teşviqatnen küreşte büyük tecribe aldı, amma bu teşviqatnıñ büyük qısmı, afsus ki, Avropadan kele. Ukraina aqqında yañlış malümat Avropa KHV-de peyda olğanda, pek acınıqlı. Şu sırada, Avropa içün. Onıñ içün Avropa ve Ukraina teşviqatqa qarşılıq saasında malümatnen ve tecribenen paylaşmaq kerekler”.

«DemocracyReportingInternational» teşkilâtınıñ icra müdiri Maykl Meyer-Rezende qayd etkenine köre, “ukrainlerniñ Avropanı qorquzdırğanğa qarşılıqta yecribesi bar”, ve aynı şu sebepten demokratiya qoruvı ve teşviqatqa qarşılıq saasında Ukrainanıñ avropa toplulığınen işbirligi lâzim.

Rostıslav Oğrızko, Almaniyada Ukraina Elçihanesiniñ mesleatçısı, öz çıqışında rusiye teşviqatınıñ eñ tarqatılğan narrativlerini red etti, hususan, Ekinci cian cenki vaqtında ukrainler natsistlernen çalışqanı aqqında, 2014 senesi Ukrainada ükümet idaresine neonatsistler kelgeni aqqında, Qırım – evel-ezelden – Rusiye territoriyası kibi.


Cedvel