Facebook Twitter YouTUBE


Baş saife  >  Derc  >  Haberler  >  19 Berim ayı 2017, 09:09

HSN: Lugansk vilâyetindeki Novoaydar köyüniñ sakinleri endiden ukrain yayınlavını güzel keyfiyette seyir etip olalar

Ukraina haber siyaseti Nazirliginiñ nezaret missiyası Lugansk vilâyetinde şeer şeklinde qasabanıñ territoriyasında teleradioyayınlav alınıñ talilini keçirdi.

Keçirilgen nezaret neticesinde añlaşıldı – köy territoriyasında teleradioyayınlav kefaleti Bahmutivkada yañı qulle işke kirsetilgenden soñ eyileşti.

Novoaydarivsk köy şurasınıñ kâtibi Oleksandr Boçarovnıñ sözlerine köre, qulle çalışıp başlağandan soñ musbet deñişmelerni ilk evelâ efir yayınlavınıñ ve “T2” dijital paketiniñ qullanıcıları duydı. 

“Ealiniñ 40 fayızı dijital televizionunı seyir ete. Olar qayd etkenine köre, kanallarnıñ sayısı çoqlaştı, olarnıñ keyfiyeti de eyileşti. Bundan da ğayrı, qayd etmek kerek ki, başta ava bozulğanda telekanallarnıñ signalı zayıflaşa edi, şimdi ise öyle şey yoq. Köyniñ radioefiri ukrain FM-radiostantsiyalarınıñ bir sıra yayınlarınen toldu”, - dep qayd etti Boçarov.

“Yoldaş televizionnıñ qullanıcıları, bu ise köy sakinleriniñ yarısı, yañı qulle işke kirsetilgenden soñ, iç bir deñişmeler duymadılar, eñ yüksek derecede deñişmelerni efir yayınlavını seyir etkenler duydı – ukrain telekanallarınıñ yayınları qoşuldı, rus kanalları ise keyfiyetini coydı”, - dep, haber ete ATO zonasında yayınlav yañartuvı meselelerinden Nazir mesleatçısı, Ukraina halq deputatı ve nezaret missiyanıñ reberi Oleksandr Brığınets.

Hatırlatamız, 2017 senesi avgustnıñ 22-de Ukraina Prezidenti Petro Poroşenkonıñ, Ukraina haber siyaseti Naziri Yuriy Stetsniñ ve temsilci akimiyetteki başqa vekilleriniñ iştiragı ile Lugansk vilâyetindeki Novoaydarivsk rayonunıñ Bahmutivka köyü yanında 134-metrolıq yañı telequlleniñ resmiy açılışı olıp keçti.

 


Cedvel