Facebook Twitter YouTUBE


Baş saife  >  Derc  >  Haberler  >  31 Arman ayı 2017, 14:08

Ukraina populârlaşması meselelerinden Komissiya kommunikatsion strategiyanıñ temelleri boyunca qarar çıqardı

2017 senesi avgustnıñ 30-da, Ukraina haber siyaseti Nazirligi yanındaki dünyada Ukraina populârizatsiyası meselelerinden idarelikler ara komissiyanıñ nevbetteki toplaşuvı vaqtında, Ukrainanıñ kommunikatsion strategiyası üzerinde britan araştırmalarınıñ neticeleri tacqdcim etildi. Araştırmalar İngilterede, Almaniyada ve Poploniyada keçirildi, araştırmanıñ esas mevzusı – yabancılarnen Ukraina alğısı.

Büyük Britaniya ükükmet kommunikatsiyaları leyhalarınıñ idarecisi Garris Maklaud araştırmanıñ temsil tedbiri vaqtında qayd etkenine köre, soravdan biline: Ukraina – bu, parlaq teessuratlar ve yañı ğayeler, musbet insanlar ve duyğular memleketi. 

Bunen beraberlikte araştırma kösterdi – çetelde Ukraina aqqında fikirlerniñ esas meselesi – memleket aqqında, onıñ medeniyeti, adetleri, cografiyası, turistik qabiliyeti ve biznes perspektivaları aqqında bilgilerniñ eksikligi. Onıñ içün imidj şekillenmesi vaqtında, ukrain merametligi ve medeniy özgünliginden teessuratlar ve duyğularnen pekitilgen, Ukraina aqqında faktlarnıñ tarqatılmasına qulaq asmaq kerek. “Kiyevge kelgen yabancılar, Berlin ya da Parijni degil de, Kiyevniñ özgünligini körmek isteyler”, - dep qayd etti o.

Ukraina Baş-naziri mesleatçısı Mıroslav Koşelük añlattı: “Bu araştırma – dünyada Ukraina brendi qurulmasınıñ vazifesini becermege bizge yardım etecek Britan Ükümetinden kontsept”.

Ukraina haber siyaseti Naziri Yuriy Stets dedi: “Bizce, bu – kommunikatsion strategiyanıñ azır temeli, fakt olaraq biz içün tehnikiy vazife. Biz onı tolusınen işlep çıqarmaq kerekmiz, özümizge köre keliştirmek kerekmiz, Baş Nazirniñ baqıluvına yollamaq kerekmiz, soñra ise dünyada Ukraina populârlaşması brendiniñ ileriletilmesi standartlarınıñ işlep çıqarılmasına açıq konkurs keçirmelimiz”.

1

Hatırlatamız, dünyada Ukraina populârlaşması meselelerinden idarelikler ara Komissiya, dünyada Ukraina populârlaşması Kontseptsiyasınıñ ömürge keçirilüvi ve 2016 senesi oktâbrniñ 11-de Ükümetnen tasdıqlanğan, dünya haber meydanında Ukraina meraqlarınıñ ileriletilmesi çerçivesinde 467-ci qararğa köreü 2017 senesi iyünniñ 7-den Ukraina Nazirler Kabinetinen qabul etilgen edi.

1


Cedvel