Facebook Twitter YouTUBE


Baş saife  >  Derc  >  Haberler  >  30 Arman ayı 2017, 13:08

HSN Mariyinsk rayonunda: 40%-den ziyade evlerde ukrain televizionuna irişim olması içün yoldaş antennalar bar

 

1

Ukraina haber siyaseti Nazirliginiñ nezaret missiyası Donetsk vilâyetindeki Mariyinsk rayonunıñ Novomıhaylivske köy şurasınıñ territoriyasında teleradioyayınlav alınıñ talilini keçirdi. 

 

Nezaret neticelerine köre, köy şurasınıñ territoriyasına ukrain kanallarından tek “1+1” ve “5-ci kanal” analog antennasından çalışa, çünki meskün yer sıñır çizgisine yaqın yerleşkeninden ğayrı, Donetskte işğalcilernen zapt etilgen telequllege yaqın yerleşe, bu telequlle ise teşviqatnı yayınlay. T2 televizionunıñ dijital paketinde tek Rusiye telekanalları irişimli.

 

Amma, köy şurasınıñ kâtibi Yuliya Azükovskayanıñ sözlerine köre, yerli sakinler ep bir ukrain televizionunı baqalar: “40%dan ziyade evlerde yoldaş antennalar bar. Kremlni baqmaq içün degil de, Kiyevni seyir etmek içün”.

 

“Köy şurası territoriyasında ukrain radiostantsiyalarınen vaziyet yahşıca”, - dep haber ete ATO zonasında yayınlav yañartuvı meselelerinden Nazir mesleatçısı, Ukraina halq deputatı ve nezaret missiyasınıñ reberi Oleksandr Brığınets.

 

“Menim fikirimce, Novomıhaylivka kibi köylerde yerli akimiyet organları böyle meskün yerlerge kabel keçirip olğan kommunal müessiseler yaratılması içün resurslar qıdırmağa kerel. Çünki böyle yerlerde ukrain teleradioşirketlerniñ sayısı pek az ve anda yañı telequlleler qoyulması meselesini çezmege imkânsız”, - dep, bildire Brığınets.

 

 


Cedvel