Facebook Twitter YouTUBE


Baş saife  >  Derc  >  Haberler  >  28 Arman ayı 2017, 18:08

HSN: Ukraina mühbirleri Türkiyede arbiy jurnalistika kurlarını keçtiler

Ukraina KHV-nıñ altı temsilcisi, Ankarada arbiy jurnalistikadan 12-künlük halqara kurslarda iştirak ettiler. Kurslar işbirlik ve koordinatsiyadan Türkiye agentliginiñ maaliyeviy yardımı ile Türkiyeniñ Politsiya Akademiyasınen işbirlikte “Anadolu Agency” türk haber agentliginiñ haber akademiyasınen Ukraina haber siyaseti Nazirliginiñ destegi ile teşkil olundı.

Ukraina haber siyaseti Naziriniñ Birinci muavini Emine Ceppar qayd ete: “Jurnalistlerge daima inkişaf etmege, fevqulade vaziyet açıqlanması vaqtında kerekli olğan bilgiler almağa yardım etmege - bizim borcumız”.

“Arby mühbir” programmasınıñ sertifikatsiyası boyunca umumen 110 saatnı teşkil etken 26 fen bar edi. Belgilengen saatnlarnıñ üçünci qısmı ameliy derslerine berildi. Türkiye politsiyası, silâlı hızmetleri, felâket ve fevqulade vaziyetnen küreşten idareliginiñ vekilleri derslerni keçirdiler. Soñunda muvafaqiyetli iştirakçiler halqara seviyede tanılğan sertifikalarnı aldılar.

Kurslarda altı memleketten - Ukraina, Gürcistan, Kazahistan, Kirgistan, Özbekistan ve İraqtan - 23 jurnalist iştirak etti.


Cedvel