Facebook Twitter YouTUBE


Baş saife  >  Derc  >  Qısqa beyanatlar  >  22 Arman ayı 2017, 17:08

Yuriy Stets: “Bugun resmiy şekilde Bahmutivka telequllesi açıldı - ukrain telekanallarına 90 biñge yaqın seyirciler qoşuldı”

 

2017 senesi avgustnıñ 22-de, Ukraina Prezidenti Petro Poroşenko, Ukraina haber siyaseti Naziri Yuriy Stetsniñ ve başqa akimiyet vekilleriniñ iştiragı ile Lugansk vilâyetiniñ Novoaydarivsk rayonundaki Bahmutivka köyüne yaqın yerleşken 134-metrolıq yañı telequlleniñ resmiy açılışı keçti.

Devlet başlığı, yañı qulleden radio- ve telesignal alacaq seyircilerge canlı yayında muracaat etip, qayd etti:

“Bugun biz pek müim 134 metrolıq qulleni açamız, onıñ quvetli bericileri tek Lugansk vilâyetiniñ azat etilgen qısmını degil de, işğal etilgen territoriyasını da haberlernen teminlecek. Lugansk sakinleri niayet ukrain radiosını da diñlep olacaq, em de ukrain televizionunı körecek”.

Petro Poroşenko qayd etkenine köre, leyhanıñ ömürge keçirilmesi ukrain memurlarınıñ, Haber siyaseti Nazirliginiñ, mahsus bağ ve malümat qoruvı Devlet hızmetiniñ ve Ukraina ortaqlarınıñ areketleri birleşmesi sayesinde mümkün oldı. Bundan da ğayrı, prezident vilâyet başlığına, halq deputatlarına ve bu leyhanı ömürge keçirmege yardım etkenlerge teşekkürlerini bildirdi.  

Öz nevbetinde, Ukraina haber siyaseti Naziri Yuriy Stets qayd etkenine köre, bu, soñki eki yılda Herson, Donetsk ve Lugans vilâyetlerinde yayınlav inkişafı maqsadınen qurulğan endi üçünci qulledir.

“Bunıñ sayesinde, ukrain telekanalları ve radiostantsiyalarına irişimi olğan ealiniñ sayısı 90 biñge artacaq. Bu qulleden signalnen biz tolu ukrain yaytsnlavını başlaycaqmız, o, “sıñır çizgisinde” “beyaz lekelerni” qaplaycaq”. Böyle etip yavaş-yavaş biz Ukrainanıñ bütün territoriyasında ukrain yayıyelavınıñ yayeartuvına kelecekmiz”

Hatırlatamız, ATO keçirilmesi zonasında ve Qırım territoriyasına teleradioyayınlav inkişafı Ukraina haber siyaseti Nazirligi yanında milliy televizion ve radioyayınlav sistemasınıñ stabil çalışması teminlenüvi meselelerinden Komissiya işi çerçivesinde keçirile. 


Cedvel