Facebook Twitter YouTUBE


Baş saife  >  Derc  >  İlânlar  >  22 Arman ayı 2017, 11:08

HSN: Mustaqillik Kününe Tarih Müzeyi ATO iştirakçileri içün sanat platformasına keçecek

Mustaqillik kününe, 23 avgust künü saat 14.00ke, Ukraina tarihı milliy müzeyinde “Mustaqillik sanatı” degen büyük leyhanıñ temsil tedbiri keçirilecek. Sergi oktâbrniñ 31-nece olacaq.

“Mustaqillik Sanatı” ATO iştirakçileriniñ sergilerinden başlanacaq: “Fotograf” adlı Yuriy Veliçkonıñ “Sıfırdaki yaşayış” fotoişlerinden, “Dali” adlı Maksim Krıvtsovnıñ şiir ve fotoresimlerinden sergi ve “Baklay” adlı Pavlo Kulıkniñ işlerinden sergi. Bundan da ğayrı, tantanalı açılışta “Pianist” adını taşığan İğor Mıhaylışınniñ “Muzıka voyina” adlı klassik muzıka kontserti keçecek. İğor Mıhaylışın – Maydanda, Şopen, Bah ve Bethovenniñ muzasını çalıp belli olğan pianocı, 120 kün esirlikte olğan Ukraina silâlı hızmetleriniñ askeri, amma esirlikte bile muzıka onıñ ayatını deñiştirdi.

Leyha ukrain askerleri içün sanat platforması kibi temsil etile, bunıñ sayesinde, ATOdaki askerlerniñ yaşayışı aqqında pek az bilgen insanlarnen eşitilecekler.

“Cenknen doğurulğan eserlerde, bizim askerlerimizniñ qalplerinde olğan ağırı ve ümüt açıq-aydın kösterile. Cekniñ merkezinde bulunıp, olar suvumadılar, yıqılmadılar, dünyadan qaçmadılar – olar bizni o ağır, amma bunen beraberlikte ayatnı köstergen tecribesinen paylaşmağa azırlar. Olarnıñ bizge bahşışı – tek tınç kok degil de, bu, cenkte bulunğan adamnıñ duyğularını sanat yardımınen duymaq, - dey “Sıfırdaki ayat” leyhasınıñ reberi İnna Yermakova – Cenkte icadiy adamlar içinde olğan yarıqnı saqlağanlarından ğayrı, acayip şeylerni yaratmağa küçleri olğanı pek müim. Leyha iştirakçileriniñ icadı – cenk er biriniñ ayatını bozğanını tasdıqlağanlar içün qarşı isbattır. Elbet de, er birisini deñiştire, amma er birisini yıqmay!!!”

Açılışta Tarih müzeyine polovets “babasınıñ” tantanalı berilmesi keçirilecek, onı zornen qorçalap oldılar, soñra ise Ukrainanen nezaret olunğan territoriyağa çıqardılar.

 “Mustaqillik Sanatı” leyhasınıñ temsil tedbirinde Ukrainada Litva Cümhuriyetiniñ Vekâletli Elçisi Marüs Yanukonis, Ukraina haber siyaseti Nazirliginiñ Devlet kâtibi Artem Bidenko, “Fabrıka dumkı Donbass” analitik merkezi” devlet teşkilatınıñ icra müdiri, Ukraina haber siyaseti Naziriniñ mesleatçısı Dmıtro Tkaçenko ve leyha çerçivesinde keçecek tedbirlerniñ qaramanları – ATO iştirakçileri, askerler, Donbasstaki vaqialar aqqında filmlerniñ yaratıcıları ve başqaları.


Cedvel