Facebook Twitter YouTUBE


Baş saife  >  Derc  >  Brifing ve matbuat konferentsiyaları  >  8 Arman ayı 2017, 22:08

HSN Dünya tamır halqları künü umummilliy haber kampaniyasını keçirecek

Avgustnıñ 8-de “Ukrinform” haber agentliginde Ukraina haber siyaseti Nazirliginen teşkşl olunğan “Dünya tamır halqları kününiñ qayd etilmesi” mevzusında press-konferentsiya olıp keçti. Ukraina haber siyaseti Naziriniñ Birinci muavini Emine Ceppar qayd etkenine köre, avgustnıñ 9-da Dünya tamır halqları halqara künü qayd etilmesi çerçivesinde, HSN umummilliy haber kampaniyasını keçirecek. “Endi eki yıldan berli biz daima bu mevunı köteremiz, daima er keske qırımtatarlar, qaraimler ve qırımçaqlar kim olğanını añlatmaq tırışamız, çünki olar pek az qaldı. Olarnı saqlamaq içün tedbirler keçirmege kerek olğan halqlar olğanını añlatamız”, - dedi Ceppar.

Öz nevbetinde, Milliy Meclis reisi Refat Çubarovnıñ fikrine köre, bizim memleketimiz Qırım qaytaruv meselesini soñğa qaldırıp olamay.

Refat Çubarov, Yuqarı Şura bşta tamır halqları aqqında qanun leyhasını sentâbr ayında baqıp çıqarlar dep ümüt ete.

“İş gruppasınen azırlanğan ve mütehassıslarnen teşkerilgen qanun leyhası sentâbrniñ başında açılacaq oturışta baqılacaq. Pek isteyim ki, Ukraina bu sene tamır halqları aqqında qanunnı qabul etmesini”, - dedi Çubarov.

Onıñ aytqanlarına köre, tamır halqlar aqqında qanun leyhasınıñ qabul etilmesi Ukraina mustaqilliğiniñ quvetleşmesine yardım etecek.

Qayd etemiz, HSN endi Kiyevde “Üç halq – bir tamır” mevzusında maketler ile 50 bord ve 50 siti-laytlarnı yerleştirdi. Bundan da ğayrı, bu mevzuda rolik çıqarıldı ve oña içtimaiy reklama statusı berilip, yayınlav içün telekanallarğa berildi. Rolikniñ uzun variantını episi istekliler bir sıra internet-neşriyatlarda ve içtimaiy ağlarda körip olurlar. Mevzu boyunca rolik ve maketler de Ukraina tışında ı-onıñ elçihaneleri arasında ve devlet akimiyeti organları arasında tarqatılacaq.

Hatırlatamız, avgustnıñ 9-da saat 19.00-da America House-ta “Qırım aqşamı” degen tedbir ötkerilecek – bu, HSN-nen ömürge keçirilgen qırımtatarlar halq ögünde keçirgen diplomatiyanıñ becerilmesi çerçivesinde medeniy bir tedbir. Onıñ çerçivesinde qırımtatar kontserti ötkerilecek, anda qırımtatar yırları ve oyunları olacaq. Bundan da ğayrı musafirlerniñ diqqatına qırımtatar halqınıñ etnogenezi, tarihı ve medeniyeti aqqında ingliz tilinde sergi teklif etilecek, sergi, Estoniya tış işleri Nazirliginiñ destegi ile İnsan aqqlarından Eston universitetinen, Ukraina haber siyaseti Nazirliginen, Qırımtatar resurs merkezinen azırlandı.

Tedbirde iştirak etti: Refat Çubarov – Ukraina halq deputatı, Milliy Meclis reisi; Emine Ceppar – Ukraina haber siyaseti Naziriniñ birinci muavini; Yuliya Tışçenko – şura başlığı, UNTSPD demokrtik protsesslerine destek programmalarınıñ reberi.  


Cedvel