Facebook Twitter YouTUBE


Baş saife  >  Derc  >  Haberler  >  4 Arman ayı 2017, 10:08

HSN: Avgust-oktâbr ayları devamında Ukrainada Yaponiya Yılı çerçivesinde medeniy tedbirler keçecek

Ukraina haber siyaseti Nazirligi ve Ukrainada Yaponiya Elçihanesi Ukrainada Yaponiya Yılı çerçivesinde bizim devletimizde olğan vaqialar aqqında haber etmege devam eteler.

“Ukrinform” haber agentligi avgust-oktâbr aylarına, çoqusı allarda Yaponiya Elçihanesinen planlaştırılğan tedbirler aqqında infografika azırladı.

HSN mediakommunikatsiyalar sektorınıñ reberi Marına Sobotük haber etkenine köre, yarım yıl devamında ukrainler Yaponiya medeniyetinen bağlı olğan bir çoq tedbirlerni ziyaret etti. Tedbirlerni çoqusı allarda Elçihane teşkil etti, olarnıñ maqsadı – ukrainlerge öz medeniy ve tarihiy degerliklerini tanıtmaq. Bundan da ğayrı, böyle tedbirler yerli organlarnen, muzey ve kitaphanelernen yapon medeniyetini begengenlerni toplamaq içün teşkil etildi.  

“Aynı şekilde yaponlar içün, ukrain degerliklerini ve hususiyetlerini populârlaştırmaq içün informatsion metiner azırlaymız. Biri-birimiz aqqında böyle bilgilernen biz em dostane munasebetler quramız, em de sıq bağ inkişafı içün temel quramız”, - dep, qayd etti Marına Sobotük.

Öz nevbetinde, Yaponiya Elçihanesiniñ hadimi Hiranı Takaşi bildirdi – yaqın zamanda Kiyevde onıñ şahsiy fotosergisi keçirilecek. Sergi “İzolâtsiya” (IZONE) Fondunıñ destegi ile keçecek. «Fotoserginiñ maqsadı – insanlarnı zemaneviy yapon fotosanatınen tanış etmek. Bu fotoresimler Yaponiyanıñ bir de-bir ananeviy imidjiniñ klassik nushası degil, bu sadece menim şahsiy teşebbüsimniñ ömürge keçirilmesidir. Bundan da ğayrı, bu sergi Yaponiya Elçihanesiniñ ve “İzolâtsiya” art-platformasınıñ birinci işbirligi olacaq, bu insanlar unikal, olarnıñ çoqusı Donets şeerindendir.” Qayd etemiz, Yaponiya Elçihanesi “Ukrainada Yaponiya Yılı” fotoyarışında iştirak etmege davet ete, bu konkursqa er kes qoşula bile.

Hatırlatamız, Ukraina Prezidenti Petr Poroşenkonıñ Qararına köre, eki taraflı işbirlik faalleşmesi, Ukraina ve Yaponiya arasında bağ qaviyleşmesi maqsadınen, 2017 senesi Ukrainada Yaponiya yılı kibi ilân etildi. Böyleliknen, HSN Ukrainada Yaponiya Elçihanesi ile birlikte, ukrainlerni Yaponiyanıñ medeniyeti, adetleri ve tarihınen tanış etmege yardım etecek bir sıra tedbirler aqqında cemiyetni haberdar etmege planlaştıra.


Cedvel