Facebook Twitter YouTUBE


Baş saife  >  Derc  >  Haberler  >  3 Arman ayı 2017, 14:08

Yuliya Kazdobina: “Tarih qaplığı – Rusiye özüniñ basqıncı teşviqatında işletken aletlerden birisidir”

2017 senesi avgustnıñ 1-de “Ukrinform” haber agentliginde, Ukraina haber siyaseti Nazirliginen teşkil olunğan, Çernigiv vilâyetindeki İçnânsk rayonında ukrainler ve qırımtatarlarınñ dostluğı ve birdemligi Künü keçirilmesiniñ neticelerine ve Konotop uruşınıñ 360 yıllığı qayd etilmesiniñ perspektivalarına bağışlanğan press-konferentsiya keçirildi.

Ukraina haber siyaseti Naziriniñ mesleatçısı Yuliya Kazdobina ukrainlerniñ ve qırımtatarlarıñ birligini köstergen bayramlarnıñ qayd etilmesi müim olğanınnı bildirdi: “Tarih qalplığı - Rusiye öz basqıncı teşviqatlı qullanğan aletlerinden biridir. Onıñ içün, Rusiye tarihında gizlengen tarihiy vaqialarnıñ populârlaşması mifler ve yalan yoq olmasına ve ukrain ve qırımtatar halqlarınıñ birligi ğayesi etrafında cemiyetni toplaycaq”.

Refat Çubarov, Milliy Meclis reisi, aytıp berdi: “Ukrain-qırımtatar umumiy tarihı müimliginiñ añlamı çoqtan bar edi, amma bunen beraberlikte o beli bir işlernen belli olamadı, çünki rusiye tarihı bizlerge keçmişte bizim halqlarımız yaşağan büyük meydanlarda keçken vaqialarnıñ öz añlamını aşlay edi”.

Onıñ içün, onıñ fikirine köre, Birinci Ukrain-qırımtatar dostluğı Kününiñ qayd etilmesiniñ teşebbüsi pek müim, çünki o, “aşadan” çıqtı, ve rusiye mifleri üzerinde ğalebeni köstere.

Milliy Meclis reisi, qayd etkenine köre, eki yıldan soñ Ukrainada Konotop uruşınıñ 360-cı yıllığını lâyıq qayd etmek içün devlet seviyesinde teşkiliy komitet yaratmaq kerek. Bu uruşta “moskvalılarnı” yeñmek içün İvan Vıgovskiyniñ reberligi altında ukrain ordusı ve IV Muhammed Geray han reberligi altında qırımtatar arbiyleri birleşti.

Tedbirde iştirak etti: Yuliya Kazdobina – Qırım meseleleri boyunca Ukraina haber siyaseti Naziriniñ mesleatçısı;Refat Çubarov - Milliy Meclis reisi, Ukraina halq deputatı; Grigoriy Gerasimenko - İçnânsk rayon şurasınıñ başlığı; Riza Şevkiyev - Milliy Meclis azası; Vasıl Mısan - Krupıçpilsk köy şurasınıñ başlığı; Andrіy Іvanets - Tavriya gumanitar platformasınıñ koordinatorı, tarih ilimleri namzeti.

Qayd etemiz, 2017 senesi iyülniñ 26-da İçnânsk rayonunda ukrainler ve qırımtatarlarnıñ dostluğı ve birdemligi Kününi birinci kere qayd ettiler. Bu tedbirde Milliy meclis azaları, İçnânsk rayonındaki akimiyet organlarınıñ temsilcileri, Kiyev ve Çernigov cemaat teşkilâtlarınıñ faalleri iştirak etti.


Cedvel