Facebook Twitter YouTUBE


Baş saife  >  Derc  >  Haberler  >  2 Arman ayı 2017, 16:08

HSN: Ukrainada dava vaqtında haber telükesizliginden tevsiyelernen qullanma peyda oldı

2017 senesi avgustnıñ 2-de Kiyevde “Dava vaqtında İnternette haber telükesizliginden tevsiyeler” neşriyatı taqdim etildi.

Ukraina haber siyaseti Nazirliginiñ Devlet kâtibi Artem  Bidenko tedbir vaqtında qayd etti: “Biz böyle qullanmanıñ işlep çıqarılmasına tek qol tutamız, çünki o, akimiyet organları ve grajdan cemiyeti arasında işbirlik effektivligini köstergeninden ğayrı, silâlı dava şaraitinde ağlarda telükesiz qullanuv aqqında müim tevsiyeler bere”. Onıñ sözlerine köre, Nazirlik bu qullanmanı başqa akimiyet organları ve cemiyet arasında kenişletecek.    

“HSN de, qullanmada berilgen tevsiyelerni becerecek, ve endi olardan bazılarını işke kirsetti. Hususan, Creative Commons Attribution4.0 International kibi litsenziya idarelikniñ saytında endi çoqtan yerleşken”, - dep, qoştı Bidenko.

“İnternyüz-Ukrayina” cemaat teşkilâtında yañı media programmalarınıñ reberi Vitaliy Moroznıñ sözlerine köre, tevsiyeler araştırmalar ve dava vaqtında İnternet serbestligi regülirlemesinde başqa memeleketlerniñ (AQŞ, Baltiya memleketleri, İsrail) tecribesi esasında yaratıldı. “Biz, mayıs-iyül ayları devamında, grajdan ve ekspertler muzakerelerinen 6 iş ziyaretini Ukrainanıñ böyle şeerlerinde keçirdik: Odessa, İvano-Frankivsk, Lviv, Svâtoğirsk, Vinnıtsâ, Harkiv ve ilâhre”, - dep qayd etti Vitaliy Moroz. O qoştı, muracaatlar yonelişi içün episi kommunikatsiya kanallarını nasıl effektiv qullanmaq mümkün olğanını bilmek içün tevsiyeler yaratıldı.

Qullanmağa duyğulı tüsü olğan terminler qullanılması aqqqında akimiyet organlarınıñ hadimleri içün tevsiyeler kirsetilgen; anda memurlar ne yazğanları ve tefsir etkenleri içün mesüliyeti aqqında aytıla; dercke tehnikiy yanaşma ve ecnebiy KHV müellif aqqını bozmayıp qullana bilgen videolarnıñ devlet institutsiyalarnıñ vekillerinen tarqatılmasını tasvirley.

Qayd etemiz, “Dava vaqtında İnternette haber telükesizligini nasıl quvetleştirmek” tevsiyeleri Ukraina tasil Nazirligi, Ukraina telükesizligi hızmeti, HSN, mediasaa vekilleri, halqara teşkilâtlarnıñ, “İnternyüz-Ukraina” cemaat teşkilâtında İT-toplulığınıñ iştiragı ile, ve, 2017 senesiniñ birinci yarısında Ukrainanıñ 6 şeerinde keçirilgen İnternet serbestligi boyunca ekspert muzakereleri esasında yaratıldı.

Tedbirde iştirak etti: Artem Bidenko, Ukraina haber siyaseti Nazirliginiñ devlet kâtibi; Vitaliy Moroz, “İnternyüz-Ukrayina” cemaat teşkilâtında yañı media programmalarınıñ reberi; Tetâna Popova, kommunikatsiyalardan ekspert, “Haber telükesizligi” cemaat teşkilâtı; Mıkola Kostınân, dijital telükesizlikten ekspert. 


Cedvel