Facebook Twitter YouTUBE


Baş saife  >  Derc  >  Haberler  >  1 Arman ayı 2017, 11:08

HSN: Bahmutivkadaki telequlle “sıñır çizgisinece” territoriyalarnı ukrain yayınlavınen qaplamağa imkân berecek

1

İyülniñ 28-de Kiyevde Ukraina haber siyaseti Naziriniñ Birinci muavini Emine Cepparnıñ iştiragı ile “2020 senesinece Lugansk vilâyeti inkişafınıñ strategiyası” ortaqlar Forumı keçti.

Tebir BMT inkişafı Programmasınıñ ve Lugansk devlet vilâyet memurlığınıñ destegi ile teşkil olundı.

Tedbir vaqtında Emine Ceppar ukrain teleradioyayınlavı tüzetilmesiniñ neticeleri aqqında aytıp berdi: “2015-2017 seneleri arasında ecnebiy ortaqlarımızdan 60-tan ziyade bericiler berildi, em de bir telequlle qoyuldı. Bundan da ğayrı, ATO zonası içün bu yıllar içinde ATO zonası içün 57 FM-radiodalğa ayırıldı – bu, bütün Ukraina boyunca berilgen episi dalğalardan taqminen 30%. Yani radiodalğalar resursınıñ üçünci qısmı Donetsk ve Lugansk vilâyetlerine ketti, Cemaat televizionu ise ATO zonasında 25 dalğa aldı”.

Birinci muavin harırlattı, Lugansk vilâyetinde Novoaydariv rayonundaki Bahmutivka köyünde telekommunikatsion qulleniñ qurulışı endi başlandı. “Al-azırda Lugansk vilâyetindeki Bahmutivkada RTPS qurulışı devam ete. Umumen, qulleniñ yüksekligi 134 metronı teşkil etecek, bunıñ yardımınen ukrain telekanallarınıñ ve radiostantsiyalarnıñ signalınen “sıñır çizgisinece” territoriyalar qaplanacaq. Bundan da ğayrı, telequlle daa vaqqtınca işğal etilgen territoriyalarnıñ qısmını da qaplap alacaq (Lugansk, Alçevsk)”, - qayd etti Emine Ceppar.

Bundan da ğayrı, muavin qoşqanına köre, bütün bu şeyler ayrı yayınlavnen rejimniñ çerçivesinde keçirile.

2

Öz nevbetinde, Ukrainada PROON daimiy temsilcisi Nil Voker Ukrainada BMT faaliyetiniñ üstün vazifeleri aqqında aytıp berdi: “Köçip kelgenlerniñ destegi ve Ukraina Şarqında davadan zarar körgenlerniñ içtimaiy-iqtisadiy tüzetilmesi – Ukrainada BMT üstün ve esas vazifelerinden biridir. Regional inkişafnıñ yañartılğan strategiyası yerli akimiyetke, grajdan cemiyetine ve şajsiy sektorğa baraberlikte çalışmağa yardım etecek, bunıñ sayesinde ise regionnıñ iqtisadiyatı yañartılacaq, yañartıluv tezleşecek, yaşayış şaraiti guzelleşecek, yañı iş yerleri peyda olacaq ve gromadalar arasında işanç artacaq”.

Hatırlatamız, Lugansk vilâyetinde ve Ukraina Şarqında yayınlav inkişafı Ukraina haber siyaseti Nazireligi yanındaki Milliy televizion ve radioyayınlav sistemasınıñ stabil çalışması teminlenilmesi meselelerinden Komissiyanıñ işi çerçivesinde keçirile. 

1


Cedvel