Facebook Twitter YouTUBE


Baş saife  >  Derc  >  Brifing ve matbuat konferentsiyaları  >  6 Oraq ayı 2017, 15:07

HSN: Cemiyet televizionı içün tolu maaliye berilmek kerek

İyülniñ 6-da “Ukrinform” haber agentliginde Avropa Şurasınıñ “Ukrainada media serbestliginiñ quvetlenmesi ve Cemiyet televizionu sistemasınıñ yaratılması” leyhasınıñ destegi ile PAT “NSTU” Nezaret şurasınen teşkil olunğan “Cemiyet yayınlayıcısıne yetişmegen dericede maaliye ayıruv – onıñ mustaqilligi ve efektivligi içün telüke” press-konferentsiyası keçirildi.

Ukrainada Avropa Şurası ofisiniñ başlığı Morten Enbergniñ sözlerine köre, cemiyet yayınlayıcılarınıñ mustaqilligi mustaqil idare etüv, mustaqil müarririyet siyaseti, ve mustaqil maaliye ayıruv yardımınen yaratıla. “Şimdiki qanuniyetke binaen Ukrainada mustaqil cemiyet yayınlayıcısı yaratılması üzerinde Avropa Şurasınıñ yardımı Avropa Şurasınıñ faaliyetinde üstün edi ve şimdi de öyle qala”, - qayd etti o.

PAT “NSTU” Nezaret şurasınıñ başlığı Tetâna Lebedeva Cemiyet yayınlayıcısına tolu maaliye ayırıluvınıñ müimligini qayd etti: “Bazıları NSTU meseleleri müessisege ait degil dese de, bizim fikirimizce, bu mesele devlet derecesinde müim. Çünki Cemiyet televizionunıñ yaratılması – Ukrainanı zemaneviy memleketler sırasına yaqınlaştırğan esas islâatlardan birisidir, onıñ içün bütün dünya, bu islâat nasıl keçkenini izley”.

Bundan da ğayrı, Lebedeva qayd etkenine köre, HSN Cemiyet televizionuna berecek yardımı, tolusınen berildi, ve buña Nazir Yuriy Stetske teşekkürlerini bildirdi.

HSN devlet kâtibi Artem Bidenko bildirdi: “Nazir bildirgenine köre, o, Ükümette Cemiet televizionuna tolusınen para ayırılması meselelesini köterecek. İşte, öyle de ola. Onıñ içün, şimdiki qanuniyetke köre, yayınlayıcı alağı tolusınen tölenmek kerek. Bu aqqında yaqın zamanda Baş Nazir de haber etti”.

Tedbirde iştirak etti: Morten Enberg – Ukrainada Avropa Şurası ofisiniñ başlığı; Tetâna Lebedeva – PAT “NSTU” Nezaret şurasınıñ başlığı; Artem Bidenko – Ukraina haber siyaseti Nazirliginiñ devlet kâtibi; Zurab Alasaniya – PAT “NSTU” İdare başlığı; Boğdan Çervak – Ukraina televizion ve radioyayınlav Devlet komiteti Başlığınıñ Birinci muavini; İğor Rozkladay – media-islâatlar meselelerinden Reanimatsion islâatlar paketi gruppasınıñ baş eksperti be PAT “NSTU” Nezaret şurasınıñ başqa azaları.

Hatırlatamız, 2016 senesi noyabr ayında Ukraina baş naziri Vladimir Groysman Ukraina haber siyaseti Yuriy Stetske Ukrainada cemiyet yayınlavı şekillenmesinde olğan telükelerni köz ögünden diqqatqa almağa vazife berdi. 


Cedvel