Facebook Twitter YouTUBE


Baş saife  >  Derc  >  Brifing ve matbuat konferentsiyaları  >  27 Bozarğan ay 2017, 15:06

HSN qırımtatar milliy bayrağı kününe “Eki bayraq - bir devlet” haber kampaniyasını başladı

İyünniñ 26-da, Qırımtatar milliy bayrağı künü qayd etilmesine bağışlanğan press-konferentsiya vaqtında, Ukraina haber siyaseti Naziriniñ Birinci muavini Emine Ceppar haber etkenine köre, idarelik “Eki bayraq - bir devlet” şiarı altında keçken haber kampaniyasını keçire.

“HSN-nıñ “Eki bayraq - bir devlet” kampaniyası - Qırımnıñ Ukrainanen bağı aqqında, devletniñ bütünligi ve serbest avropalı kelecek içün qırımtatarlarnıñ ve ukrainlerniñ küreşi aqqında. Bugün qırımtatar bayrağı Qırımda işğalge qarşılıq timsali ola”.

Gulnara Abdullayeva, Qırım tarihçısı, milliy timsalniñ tarihı aqqında aytıp berdi. Onıñ sözlerine köre, bayraq qırımtatar tamğası kibi emiyetlidir. O qayd etkenine köre, tarah tamğa aqqında birinci hatıra XII-XIII asırlarnıñ arasında peyda oldı, bayraqnıñ tarihı ise qısqa, o, devlet bayrağı kibi, 1917 senesi birinci Qurultay vaqtında qabul etildi, resmiy olaraq ise - 1991 senesi iyün ayında, ekinci Qurultay vaqtında qabul etildi.

Riza Şevkiyev, Milliy Meclis azası, tefsir etti: “Milliy bayraq künü qayd etilmesiniñ teşebbüsini bizim yaşlarımız bildirdi, Meclis ise bu künge, yani iyünniñ 26-na qol tutıp, ilk kere bu künni resmiy olaraq 2010 senesi qayd etti”.

Qayd etemiz, haber kampaniyası çerçivesinde HSN rolikler, bordlar ve siti-laytlar azırladı. Bundan da ğayrı, kampaniyağa Ukraina tış işleri Nazirligi qol tuttı - iyünniñ 26-da qırımtatar bayrağı ecnebiy elçihanelerde köterildi. 


Cedvel