Facebook Twitter YouTUBE


Baş saife  >  Derc  >  Brifing ve matbuat konferentsiyaları  >  21 Bozarğan ay 2017, 17:06

Yuriy Stets: “NTSU inkişafına Yaponiya 400 mln yenge ($4 mln) yaqın para berdi, hususan, $1,3 mln yaqın donatmalar alınmasına”

İyünniñ 21-de “Ukrinform” haber agentliginde, Ukraina haber siyaseti Nazirliginen teşkil olunğan, “Ukraina cemiyet Milliy telekampaniyasınıñ potentsialı inkişafı Leyhası” çerçivesinde Yaponiya ve Ukraina arasında tehnikiy işbirlik” press-konferentsiya keçti.

Ukraina haber siyaseti Naziri Yuriy Stets qayd etkenine köre, 2017 senesi yanvar ayında Yaponiyadan Ukrainağa yardım çerçivesinde başlanğan “Ukraina cemiyet Milliy telekampaniyasınıñ potentsialı inkişafı Leyhası” bizim memleketimiz içün pek müimdir. “Bu leyhanıñ ömürge keçirilmesi men içün pek müim, çünki men daima NSTU inkişafınen meraqlanam, ve meni sevindirgen şeyni qayd etmek isteyim ki, bizim Yaponiyalı ortaqlarımız da bunen meraqlana. Bu leyha ömürge keçirilmesi aqqında muzakereler üçyılğa yaqın devam etti, ve, niayet biz soñuna kelmektemiz”, - qayd etti Stets. Onıñ sözlerine köre, NTSU inkişafına Yaponiya 400 mln. yenge yaqın (4 mln dolar) para berdi, hususan, 1,3 mln-ğa yaqın dolar donatmalar alınmasına.

Bundan da ğayrı, o, hatırlatqanına köre, Prezident qararınen binaen, Ukrainada Yaponiya yılı keçirile, onıñ çerçivesinde bir çoq tedbirler keçirile. “Men içün Yaponiya başqa Avropa memleketlerinden yaqınca, onıñ içün ümüt etem, bir çoq ukrainalılar içün de Yaponiya yaqınca olacaq. Ümüt etem, Avropa Birligi tarafından vizasız rejimden soñ, bizde Yaponiyanen de vizasız rejim teminlenecek”, - dep ümütlerini seslendirdi Nazir.

Ukrainada Yaponiyanıñ Müteşem ve Vekâletli Elçisi Şigeki Sumi, Cemiyet yayınlavı inkişafında Ukraina ve Yaponiya arasında işbirlikniñ başlanması aqqında ğaye onıñ Nazir Yuriy Stetsnen körüşüvi vaqtında muzakere etilgeni aqqında aytıp berdi. “Menim fikirimce, bizim işbirligimiz Ukrainada mustaqil ve obyektiv cemiyet televizionu inkişafına yardım etecek”, - dep qayd etti o.

Ukraina Milliy cemiyet telekampaniyasınıñ başlığı Zurab Alasaniya, Haber siyaseti Nazirligine Cemiyet televizionu inkişafında yardım içğn teşekkürlerini bildirdi. Yanvar ayında leyha ömürge keçirilmesiniñ aktiv qısmı başlanacağına, leyha ise programmada qayd etilgen 2,5 yıldan tezce bitirelecegine ümütini ifadeledi.

Keniçi Haşimoto, “CAYKA” leyhasınıñ reberi, ve Atsuşi Miyako, «NHK International» yapon cemiyet yayınlavı ekspertleri gruppasınıñ reberi, Ukraina Milliy cemiyet telekampaniyası potentsialınıñ inkişafı Leyhasınıñ çerçivesinde Yaponiya ve Ukraina arasında işbirlik leyhasını taqdim ettiler.

Tedbirde iştirak etti: Yuriy Stets – Ukraina haber siyaseti Naziri; Şigeki Sumi – Ukrainada Yaponiyanıñ Müteşem ve Velâletli Elçisi; Keniçi Haşimoto – “CAYKA” leyhasınıñ reber; Zurab Alasaniya – PAT “NSTU” İdare başlığı; Atsuşi Miyago – gruppa reberi, «NHK International»; Marına Sobotük – Ukraina haber siyaseti Nazirliginiñ media kommunikatsiyalar ve KHV ile bağ sektorınıñ reisi.

 Hatırlatamız, 2017 senesi yanvarnıñ 17-de Yaponiya Elçisi Sumi Şigeki Nazir ile körüşüv vaqtında qayd etkenine köre, Yaponiya Cemaat televizionu inkişafı boyunca işbirlik programmasını başlamağa azır. Programma üç yonelişke bölüne: tehnikiy yardım (donatmalar studiyağa berilmesi), programmalar teminlenüvinde destek, ve, bundan da ğayrı, fevqulâde vaziyetler aqqında insanlarnı haberdar etüv yekâne ağınıñ yaratılması.


Cedvel