Facebook Twitter YouTUBE


Baş saife  >  Derc  >  Brifing ve matbuat konferentsiyaları  >  23 Qural ay 2017, 13:05

HSN “Melez cenki şaraitinde Donbas reintegratsiyası” Halqara konferentsiyasını açtı

Mayısnıñ 23-de Ukraina haber siyaseti Nazirliginiñ Klubında, Ukraina haber siyaseti Nazirligi “Fabrıka dumkı”Donbass” analitik merkezinen işbirlikte teşkil etken “Melez cenki şaraitinde Donbas reintegratsiyası” Halqara konferentsiya keçirildi.

Tedbirni açaraq, Haber siyaseti Naziriniñ Birinci muavini Emine Ceppar bildirdi: “Bugün Donbassta olğan vaqialar – Qırım yarımadası işğaliniñ neticesidir. Bu bağ bellidir ve biz işğal etilgen territoriyalarnıñ haber reintegratsiyası üzerinde çalışamız. Hususan, yaqın zamanda Ükümet qabul etilmesine Qırım ve Donbass haber reintegratsiyasınıñ eki strategiyası berilecek”.

 

Ukraina halq deputatı, Ukraina Yuqarı Şurasınıñ vitse-spikeri İrına Ğeraşçenkonıñ sözlerine köre, bugünki melez cenk şaraitinde üç esas qısım bar: telükesizlik, gumanitar ve haber. Bugün dünyada RF bizim devletimizniñ territoriyasına, hususan onıñ haber siyasetine, kirişmesiniñ añlamı bar olğanında emin. Bu aqqında halqara teşkilâtlarnıñ bildirmeleri ayta, hususan Avropa Parlamentiniñ rezolütsiyaları. “RF dünyanıñ 160 memleketinde 40 tilde teşviqat tarqata”, - dep qayd etti Geraşçenko.

Vaqtınca işğal etilgen territoriyalar ve içki yerleşken şahıslar meselelrinden Nazir Vadım Çernış aytıp berdi: “Biz, işğal etilgen territoriyalarda bar olğan meselelerge baqqan mahsus programma üzerinde çalışamız”. Onıñ sözlerine köre, bu programmalar esasına para qoymaq kerek ve mında mesele çezilmesine, detsentralizatsiya islâatı çerçivesinde, gromadalarnı kirsetmek kerek. O, böyle programmalar kirsetilmesine ilmiy müitniñ tecribesi, cemaat fikri ve halqara ortaqlarnıñ kirsetilmesini de qayd etti.

Ukraina Prezidenti Memurlığı başlığınıñ muavini Rostıslav Pavlenko, bugün Donbassnıñ azat etilgen territoriyaları unutılmamasını qayd etti – anda şimdi em informatsion, em de infrastruktur işi kerek. Buña, Pavlenkonıñ sözlerine köre, halqara teşkilâtlarnıñ donor yardımını alıp, bütün derecelerde devlet organları arasında belgilengen koordinatsiya kerek. “Bugün keçirilgen tedbirler kibi, aktual meselelerni birleştirgen ve çezgen platforma olalar”.  

Yuliya Garbuz, Lugansk devlet vilâyet memurlığınıñ başlığı – vilâyet arbiy-grajdan memurlığınıñ reberi, qayd etkenine köre, devletimizniñ bütün territoriyasında neni qurmağa istegenimizni añlamaq kerekmiz. “Vilâyet territoriyasında “Ukrainanı beraberlikte deñiştireyik” dep adlandırılağan strategiyamız bar”. Böyleliknen biz, Şarqnı Ğarpnen birleştirip, neticesini köremiz – qonuşuvda añlam bar”.

Donetsk vilâyet devlet memurlığı başlığınıñ – vilâyet arbiy-grajdan memurlığı reberiniñ muavini İğor Stokoz dedi: “100 biñge yaqın adam haber vaakumında yaşay. Ne o, ne bu taraftan haber yoq. Reintegratsiya – yıllarnen devam etecek protses, amma bugün bu yolda birinci adımlar bar”.

Konferentsiya çerçivesinde HSN ayrı mahsus 46-ci batalyonnıñ serjantı Yuriy Velıçko fotoişleriniñ “Jıttâ na nuli” sergisini teşkil etti.  

Tedbirde iştirak içün devlet akimiyeti, grajdan cemiyeti vekilleri, Donbas meselelerinden alıp barıcı ecnebiy ve vatan ekspertleri davet etildi.

Qayd etemiz, Halqara konferentsiyanı Nazirlik Ukrainanıñ Donbassnen siyasiy, uquqiy, içtimaiy ve başqa bağları saqlanılmasından ileri adımları boyunca halqara toplulıqnıñ, Ukraina devlet akimiyetiniñ, grajdan cemiyeti institutlarınıñ areketlerini koordinatsiya yapmaq maqsadınen keçire.  Konferentsiya Donetsk ve Lugansknıñ ayrı rayonları reintegratsiyasından problemli meselelerniñ açıqlanması ve muzakeresi içün, ve olarnıñ ealisini bir konstitutsion meydanğa birleştirmek içün platforma olmaq kerek. Bu vilâyetlerde devlet akimiyeti organları vaqtınca öz vazifelerini becermey.

 


Cedvel