Facebook Twitter YouTUBE


Baş saife  >  Derc  >  Brifing ve matbuat konferentsiyaları  >  15 Qural ay 2017, 19:05

HSN 1944 senesi qırımtatar halqı sürgünliginiñ yıllığına haber kampaniyasını taqdim etti

Mayısnıñ 15-de “Ukrinform” haber agentliginde, qırımtatar halqınıñ genotsidi – 1944 senesi sürgünlikniñ yıllığına Ukraina haber siyaseti Nazirligi haber kampaniyasınıñ temsil tedbiri olıp keçti.

Ukraina haber siyaseti Naziriniñ Birinci muavini Emine Ceppar haber kampaniyasını taqdim etti: “Bu facialı künge bağışlanğan bizim haber kampaniyamız “Qırsızlanğan Vatan” mevzusına bağışlanğan: qırsızlanğan balalıq, qırsızlanğan arzular, qırsızlanğan sevgi – bu, sürgünlük neticesinde oldı”. Onıñ sözlerine köre, bu haber kampaniyasınıñ esas qaramanı – bir şeyni coyğan adam. “Bizim kampaniyamıznıñ maqsadı – adiy insanlarnı köstermek, cinayetniñ tabiatını ve 1944 yılı ve 2014 yılınıñ işğali arasında muvazını köstermektir”, - dep añlattı Birinci muavin.

Milliy Meclis reisi Refat Çübarov BMT, Avropa Parlamenti, Avropa Şurası, Avropada telükesizlik ve işbrilikten Teşkilâtqa muracaat altında imzalar toplanması aqqında aytıp berdi. Bu muracaatta, Qırımnıñ işğali toqtatılması içün tedbirler keçirilmesi aqqında aytıla. Muracaatnıñ mündericesi yaqın zamanda keçirilgen Qırımtatarlarnıñ Dünya kongressinde icra kömiteti toplaşuvında tasdıqlandı. Çübarov qayd etkenine köre, muracaatta “bu ürmetli teşkilâtlarğa qırımtatar halqınıñ mütleri ifade etile”. 2017 senesi dekabrniñ 1-nece Ukraina, Poloniya, Romaniya, Türkiye, Kanada ve AQŞ-dan isteklilerniñ yardımınen keçecek halqara kampaniya neticesinde bir millionğa yaqın imza toplamağa közde tutula.

Matem tedbirleri keçirilmesinden teşkiliy komitetniñ başlığı, Milliy Meclis azası Riza Şevkiyev haber etti: “Mayısnıñ 18-de saat 12.00-de bütün Ukraina boyunca, şu sırada Qırımda, qırımtatar halqı genotsidiniñ qurbanları hatırasını añmaq içün bir daqqalıq signal berilecek. Qırımda da biz halqımıznı soqaqlarğa çıqıp, öz evleri yanında dua oqumağa çağırdıq, bundan da ğayrı, sürgünlik qurbanlarını añmaq içün qoyulğan yerlerge çiçek qoymağa rica ettik”.

Kampaniya çerçivesinde, mayısnıñ 18-e HSN yardımınen Kiyevde ve Ukrainanıñ çoqusı şeerlerinde qırımtatar halqı Qırımdan sürgün etilgeniniñ 73-ci yıllığına bağışlanğan siti-laytlar ve bordlar peyda ola. Yıllıqqa başqa tedbirler arasında: mayısnıñ 18-de saat 16.00-da Milliy opera teatrinde Ukraina Prezidenti iştiragı ile rekviyem aqşamı; qırımtatar halqı genotsidiniñ qurbanları hatırasına bağışlanğan Mustaqillik Meydanında saat 18.00-de miting; saat 20.00-de Ahtem Seitablayevniñ “Başqasınıñ duası” filminiñ temsil tedbiri.

Tedbirde iştirak etti: Refat Çübarov – Milliy Meclis reisi, Ukraina halq deputatı; Emine Ceppar – Ukraina haber siyaseti Naziriniñ Birinci muavini; Ahtem Seytablayev – “Qırım evi” devlet müessisesiniñ müdiri, “Başqasınıñ duası” filminiñ rejissörı; Riza Şevkiyev – Milliy Meclis azası.

Malümat olaraq. 1944 senesi mayısnıñ 18-de Sovet akimiyetiniñ mudafaa devlet komitetiniñ qararınen Qırımdan Özbekistanğa ve Kazahistan, Tacikistannıñ qomşu rayonlarına ve RRFSR-nıñ bazı regionlarına qırımtatarlar sürgün etildi. Umumen 238:5 biñ qırımtatarlar çıqarıldı, demobilizatsiya olğan arbiy adamlarnı sayığa almayop. Sürgğnlük neticesinde qırımtatarlarnıñ 46% elâk oldı, olarnıñ yarısı – bu, 18 yaşnı toldurmağan balalar. Ukrainada qırımtatarlarnıñ sürgünligini genotsid olaraq tanıdılar. 


Cedvel