Facebook Telegram Twitter Instagram YouTUBE


Baş saife  >  Derc  >  Brifing ve matbuat konferentsiyaları  >  12 Çiçek ayı 2017, 12:04

Emine Ceppar: “RF qırımtatar tilinde keçirilgen teşviqatqa para töley, onıñ maqsadı – Ukrainanı itibardan tüşürmek”

Aprelniñ 10-da “Ukrinform” haber agentliginde, Ukraina haber siyaseti Nazirligi, Milliy Meclis ve
İnsan aqqlarından haber Merkezinen teşkil olunğan, qırımtatar jurnalistikası kününe bağışlanğan, “Qırımtatar KHV: işğalge üç yıl qarşılıq” mevzusında press-konferentsiya keçirildi.

Ukraina haber siyaseti Naziriniñ Birinci muavini Emine Ceppar bildirdi: “Qırımtatar jurnalistikası adet olaraq haber etüv vazifesini degil de, quvetli maarif funktsiyasını da becere edi. Onlarnen yıllar tasil sisteması vastasınen tuvğan tilini ögrenmege aqqı olmağan halq, tilini mecmua, gazeta ve mektüpler vastasınen ögrengen. Bugün qırımtatar KHV sıqıştıralar, lâkin Rusiye qırımtatar tilinde keçirilgen teşviqatqa para ayıra, onıñ maqsadı – Ukrainanı, ukrainlerni, Meclis ve qırımtatar liderlerini itibardan tüşürmek”.

Tetâna Peçonçık, İnsan aqqları aqqında haber Merkezi idareliginiñ başlığı, qayd etti: “Soñki üç yıl içinde, yarımada işğali başlanğanından, bizim teşkilâtımız jurnalistlerni sıqıştıruvı, söz serbestligi ve vatandaşlar baqışlarını ifadelenüv bozuluvınıñ 460 adiselerini tesbit etti”. O, qayd etkenine köre, Qırım territoriyasında işğalciler tarafından repressiyalar ve sıqıştıruvlarğa eñ çoq oğrağan gruppalardan birisi – qırımtatar KHV edi.

Milliy Meclis azası, “QNA” haber agentliginiñ müdiri Gayana Yuksel press-konferentsiya vaqtında, Qırımda qırımtatar ve rus tilinde 80-den ziyade KHV yayınlağanı aqqında Rusiye akimiyetiniñ bildirüvlerini “profanatsiya ve kerçeklikniñ bozuluvı” dep adlandırdı. Press-konferentsiya iştirakçileri qayd etkenlerine köre, Qırımda söz serbestliginen vaziyetni şimdi pek yaman olaraq tariflemek mümkün.

Press-konferentsiyada iştirak etti: Emine Ceppar – Ukraina haber siyaseti Naziriniñ Birinci muavini; Tetâna Peçonçık – İnsan aqqları aqqında haber Merkezi idareliginiñ başlığı; Gayana Yuksel – Milliy Meclis azası, “QNA” haber agentliginiñ müdiri.


Cedvel