Facebook Telegram Twitter Instagram YouTUBE


Baş saife  >  Derc  >  Brifing ve matbuat konferentsiyaları  >  1 Çiçek ayı 2017, 10:04

E.Ceppar: “Ukraina tasili – işğal etilgen territoriyalar ve qıtaiy Ukraina arasında bağ tutmağa eñ tesirli vastalarından biridir”

Martnıñ 31-de “Ukrinform” haber agentliginde “2017 senesiniñ kiriş kampaniyası: Qırım ve Donbasdtan abituriyentler kirişiniñ hususiyetleri ve haber destegi” mevzusında Ukraina haber siyaseti nazirliginen ve “”Açıq siyaset” Fondu” devlet teşkilâtınen teşkil olunğan press-konferentsiya keçirildi.

Ukraina haber siyaseti Naziriniñ Birinci muavini Emine Ceppar işğal etilgen ve vaqtınca nezaret olunmağan territoriyalard sakinleri içün kiriş ceryanınıñ qolaylaştırılması kerekligini qayd etti: “İşğal etilgen territoriyalarda ve qıtadaki ukrainler arasında mesafe seviyesi kün-künden öskenini pek yahşı bilemiz, ve böyle şaraitte, tasil – bu, tek kelecekke yahşı yatırım degil de, biz qaytaracağımıznıñ esasıdır. Ukrain tasili – bu, işğal etilgen territoriyalar ve qıtaiy Ukraina arasında bağ tutmaqnıñ eñ tesirli vastalarından biridir”.

Birinci muavin qayd etti: “Raqamlar, bugün Qırım mektepleriniñ mezunlarında RF-da tasilalmağa istegi yüksek olmağanını köstere. Onıñ içün biz böyle vaziyetnen qullanmaq ve Qırım ve Donbastan kelgen abituriyentlerniñ Ukraina aliy oquv yurtlarına kiriş ceryanını qolaylaştırılmasını devam etmege kerek”.

Ceppar aytqanına köre, ukrainlerniñ çoqusı devlet işğal etilgen territoriyalardan, hususan Qırımdan kelgen balalar tasil almasına imtiyaz bermesine azırlar: “Ukrainler devlet musbet diskriminatsiya yapmasına, Qırımdan kelgen balalarğa bedava ve maksimal qolay tasil almağa imkân bermesine azırlar. Men bellesem, bu aynı şekilde Donbasqa da ait”.

“Açıq siyaset” Fondunıñ reberi İrına Jdanova qayd etkenine köre, Donbas ve Qırımdan kelgen balalar ve yaşlar içün keyfiyetli tasilge irişim distantsion tasilsiz imkânsızdır. “Qolaylaştırılğan ceryan – bu, pek müim adımdır, çünki aliy oquv yurtlarına kirmek içün Qırım ve Donbastan kelgen talebelerge ne ukrain pasportı, ne ukrain attestatı, ne de ZNO tapşırmağa kerekmey. Amma, ileride devlet seviyesinde çezilmek kerek olğan meseleler de bar”, - bildirdi Jdanova.

Öz nevbetinde, Tasil ve ilim Nazirligindeki aliy tasil Bölüginiñ müdiri Oleğ Şarov “Qırım-Ukrayina”, “Donbas-Ukrayina” tasil merkezleriniñ işinde esas deñişmeler aqqında aytıp berdi: ““Qırım-Ukrayina”, “Donbas-Ukrayina” tasil merkezlerine kelip, attestatsiya keçmege, orta tasil ya da tolu orta tail aqqında şeadetneme almağa ve qolaylaştırılğan protsedura boyunca aliy oquv yurtlarına kirmege imkân bergen qolaylaştırılğan mehanizm peyda oldı”. Şarovnıñ sözlerine köre, tasil merkezleri 2017 senesi iyünnıñ 19-dan sentâbrniñ 30-nace çalışacaq.

Yuriy Ğrımçak, vaqtınca zapt etilgen ve içki yerleşken şahıslar meselelerinden nazir mesleatçısı qayd etti: “Müim yonelişlerden biri – Ukrainada aliy tasil alınmasına balalarnı çağıruv”.

Press-konferentsiyada devlet numünesine köre şeadetneme (9 sınıf) ve attestat (11 sınıf) alınmasınıñ ve, “Qırım-Ukrayina”, “Donbas-Ukrayina” tasil merkezleri, yol haritaları, 2017 senesiniñ kiriş şaraiti aqqında içtimaiy rolikler, “Açıq siyaset” Fondunıñ telefon bağları yardımınen, Donbas ve Qırımdan mezunlar içün Ukraina aliy oquv yurtlarına kirişniñ qolaylaştırılğan şaraiti taqdim etildi.

Tedbirde iştirak etti: İrına Jdanova - “”Açıq siyaset” Fondu” devlet teşkilâtınıñ icra müdiri; Yuriy
Ğrımçak - vaqtınca zapt etilgen ve içki yerleşken şahıslar meselelerinden nazir mesleatçısı; Oleğ Şarov – Ukraina tasil ve ilim Nazirligindeki aliy tasil Bölüginiñ müdiri.


Cedvel