Facebook Twitter YouTUBE


Baş saife  >  Derc  >  İçtimaiy reklama  >  21 Bozarğan ay 2017, 12:06

“Qırım – bu, Ukraina” haber kampaniyası: Eki bayraq – bir devlet

Qırımtatar milliy Bayraq künü qayd etilmesi sebebinden, “Qırım – bu, Ukraina” umummilliy haber kampaniyasınıñ çerçivesinde, Ukraina haber siyaseti Nazirligi “Eki bayraq – bir devlet” haber kampaniyasını başlay. Bu kampaniya ukrain cemiyetiniñ ve halqara toplulıqnıñ diqqatını qırımtatar halqınıñ milliy timsaline celp etmek içün çağırılğan.

Kampaniya çerçivesinde bütün Ukraina boyunca tış reklama tarqatılması közde tutula. Bu kampaniyağa köre, “Eki bayraq – bir devlet” şiarı altında bordlar ve sitilaytlar tarqatılacaq.

Bundan da ğayrı, Haber siyaseti Nazirligi TOV “FİLCAN” ile beraberlikte, qırımtatar bayrağı yaratılmasınıñ tarihını ikaye etken “Eki bayraq – bir devlet” serlevası altında videorolik yarattı.

İçtimaiy rolik yapılmasına sımarış ProZorro halq ögündeki tedarikler elektron sisteması yardımınen yapıldı. 


Cedvel