Facebook Twitter YouTUBE


Baş saife  >  Derc  >  Haberler  >  19 Bozarğan ay 2017, 14:06

HSN Ukraina haber siyasetiniñ esabatını ve inkişaf perspektivalarını taqdim etti

2017 senesi iyünniñ 19-da, Ukraina haber siyaseti Naziri Yuriy Stetsniñ, Birinci Nazir muavini Emine Cepparnıñ, Nazirlikniñ devlet katibi Artem Bidenkonıñ ve idarelikniñ strategik kommunikatsiyalar soktorınıñ reberi Oleksiy Tarabukinniñ iştiragı ile, Ukraina haber siyaseti Nazirliginiñ “HSN: Ukraina haber siyasetiniñ esabatı ve inkişaf perspektivaları” press-konferentsiyası keçirildi.

Tedbirni açaraq, Nazir Yuriy Stets qayd etti – istifa aqqında arizanıñ tek bir sebebi bar – bu, sağlığı zayıflaşmasıdır.

“Konspirologik sebepler qıdırmañız – olar yoq. Birinci isbaat: Prezidentnen de, Baş Nazirnen de, Ukraina Nazirler Kabinetiniñ bütün azalarınen de munasebetlerim pek yahşı. Ekinci isbaat: belki de, bunıñ qararını Koalitsiya çıqaracaqtır, amma men bunı Prezidentke de, Baş Nazirge de seslendirdim – HSN kelecek reberi Emine Ceppar olmaq kerek”, - dep qayd etti Nazir.

Birinci Nazir muavini Emine Cepparnıñ sözlerine köre, bu sene idarelik, Ukraina Nazirler Kabinetinen qabul olunğan tedbirler planı boyunca çalışmağa devam etecek. “Bunı açıqlasaq, küzde biz 2018 senege Nazirlik işi planınıñ öz baqışımıznı taqdim etecekmiz”, - dep, haber etti Emine Ceppar.

Artem Bidenko, HSN devlet kâtibi, aytıp berdi: “Bir qaç afta evel, Ükümet Ukraina populârlaşması Kontseptsiyasınıñ ömürge keçirilüvinden tedbirler planını qararlaştırdı. Bugün biz, dünyada bizim meraqlarımıznıñ efektiv ileriletilmesi içün öz areketlerimizni bu plannıñ esas qısımları becerilmesinde topladıq”.

Strategik kommunikatsiyalar sektorınıñ reberi Oleksiy Tarabukin idarelik işiniñ başqa aspektinde diqqatını celp etti: “Prezident ve RNBO Ukraina haber telükesizligi mezebinde HSN-e haber meydanınıñ qoruvı ve strategik kommunikatsiyalar inkişafı vazifesini berdiler. Ğarbiy ortaqlar, Avropa Şurası ve NATO-nıñ destegi, bu vazifelerniñ ömürge keçirilüvi ne qadar müim olğanını köstere”.

Hatırlatamız, HSN “Açıq siyaset” programması çerçivesinde öz faaliye boyunca daima esabat bere.


Cedvel