Facebook Twitter YouTUBE


Baş saife  >  Derc  >  Qısqa beyanatlar  >  12 Qural ay 2017, 11:05

Emine Ceppar: "BMT - RF repressiyalarından qırımtatarlarnı qorumaq içün esas meydançıqlardan biri"

2017 senesi aprelniñ 24-den 28-ne qadar Ukraina haber siyaseti Naziriniñ birinci muavini Emine Ceppar tamır halqlar meselelerinden BMT Daimiy Forumının 16 sessiyası işinde iştirak etmek içün iş ziyaretinen Nyu-Yorkta bulundı.

Aprelniñ 24-de, Ukraina haber siyaseti Nazirligi, Ukraina tış işler Nazirligi, Milliy Meclis, Qırımtatar resurs Merkezi ve İnsan aqqlarından Eston İnstitutınen teşkil olunğan "Tamır halqlar: Qırtulış ve aqqlar teminlenüviniñ strategiyası" adlı tedbir keçirildi. Tedbir işğal şaraitinde qırımtatarlarnıñ vaziyetine bağışlanğan.

Birinci muavinniñ sözlerine köre, Ukraina 2014 senesinden tamır halqlarına demokratik praktikası ile memleketler klubına qoşuldı, hususan qırımtatarlarnı Qırım tamır halqı olaraq tanıp.

«Qırımtatarlar Vatanına qaytqanı zamanından resmiy Kiyev tarafından "tamır halq" olaraq tanılması aqqına küreşe ediler. Bugün Ukraina tamır halqlar aqqlarından BMT Deklaratsiyasına qoşuldı. Bu adım dünyağa bir şeyni tasdıqladı - Ukraina deñişmege, hatalarını doğurlamağa, demokratik deñişmelerni kirsetmege azır. Qırımdaki qırımtatarlar içün - bu, Ukraina tarafından, serbestlikke ümütni saqlatqan büyük signal", - qayd etti Ceppar.

Aprelniñ 25-de Emine Ceppar yüksek seviyedeki tedbirde Ukraina akimiyeti adından söznen çıqtı. Bu tedbir tamır halqlar aqqlarından BMT Baş Assambleyasınıñ qabul etilmesine 10 yıl olğanı sebebinden BMT Baş Assambleyasınıñ sessiyası çerçevesinde teşkil olundı.

Hususan o, qırımtatarlar aqqlarınıñ qoruvından soñki üç yılda Ukraina nasıl qanuniy aktlarnı qabul etkeni aqqında aytıp berdi.

"Bu, 1944 senesi sürgünligi qırımtatarlarnıñ genotsidi senesi kibi tanıluv, Aqmescitteki ava limanğa qırımtatar üçücısı Amethan Sultannıñ adı berilmesi, Qırımda onlarnen meskün yerlerde tarihiy qırımtatar adları qaytarılmasınıñ protsesi başlanması. Amma esas irişim- bu, qırımtatarlarnı tamır halq olaraq tanuv ve tamır halqlar aqqlarından BMT Deklaratsiyasına qoşuluv. Bu ise öz kelecegiñni belgilemege imkân bere. Şimdi nevbet parlamentariylerde, olar halq statüsü aqqında qayd etilgen qanun leyhağa qol tutsalar, bu, qırımtatarlar tarafında belgilengen Ukraina siyasetine praktik mana berecek", - qayd etti Birinci muavin.

 


Cedvel