Facebook Twitter YouTUBE


Baş saife  >  Derc  >  Haberler  >  5 Qural ay 2017, 18:05

HSN “Karpatskıy prostir” festivaliniñ açılışında: dünyada Ukraina meraqlarınıñ ileritilmesine areketler yapmalımız

Bugün, 2017 senesiniñ mayısnıñ 5-nde, İvano-Frankivskte Ukraina haber siyaseti Nazirliginiñ Devlet kâtibi Artem Bidenkonıñ iştiragı ile “Karpatskıy prostir” festivali başlandı. Diplomatik daireler vekillerinen, cemaat faallerinen ve yerli akimiyet temsilcilerinen beraberlikte Artem Bidenko festivalni açıp, “Karpatskıy prostir. Sanat birleştire” tögerek masasında da iştirak etti.

Artem Bidenko: “Dünya haber meydanında devlet meraqları ileriletilmesi çerçivesinde aynı ukrain regionlarını inkişaf etmege müim, yerli leyhalarğa diqqat ayırmağa zaman keldi”. Bundan da ğayrı, devlet kâtibi qayd etkenine köre, böyle vaqialarda tek siyasetçiler degil de, kreativ yaşlarımız da iştirak etmek kerek. Bulardan ğayrı, tedbirde Ukraina populârlaştıruvınıñ, dünyada Ukraina meraqları ileriletilmesiniñ ve HSN-nen işlenip çıqarılğan Kontseptsiyağa tedbirler planı taqdim etildi.

Qayd etemiz, “Karpatskıy prostir” – er yılı keçirilecek ve tek sanatçılar içün degil de, Karpatı regionınıñ işadamları, diplomatları ve siyasetçileri içün er yıllıq körüşüvleriniñ meydançığı olacaq halqara leyha. Bu sene iştirak içün 8 memleketten – Ukraina, Avstriya, Poloniya, Macaristan, Slovakiya, Romaniya, Moldova ve Çehiyadan –  sanatçılar ve icadiy taqımlar davet etildi. Gürcistan, Azerbaycan, Estoniya, Romaniya, Litva ve bunıñ kibi başqa 40-tan ziyade memleketten davet etilgen vekiller tedbirniñ ürmetli musafirleridir.

1


Cedvel